قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» كەزەكتى تۋر ويىنىن چەرەپوۆەتستە جەرگىلىكتى «سەۆەرستال» كلۋبىنا قارسى وتكىزدى.
وسىعان دەيىن قاتارىنان ءتورت كەزدەسۋدە جەڭىلىستىڭ كەرمەك ءدامىن تاتقان جەرلەستەرىمىز وسى جولى بارىن سالدى. باسەكە باستالعان بەتتە كيريلل ساۆيتسكي ەسەپ اشتى. دەسەك تە كوپ كەشىكپەي ادام ليشكا مەن يۆان ەمەتس ايدىن يەلەرىن العا شىعاردى. ۇزىلىسكە دەيىن قوس كوماندا تاعى ءبىر-ءبىر رەتتەن مەرگەندىك تانىتتى. 21-مينۋتتا رومان ستارچەنكو تارازى باسىن تەڭەستىرگەنىمەن, 24-مينۋتتا ماكسيم كولماكوۆ ەسە قايتاردى. ءۇشىنشى كەزەڭدە وللە السينگ نىسانانى ءدال كوزدەدى. نەگىزگى ۋاقىت تەڭ اياقتالعاننان كەيىن ويىن وۆەرتايمعا ۇلاستى. قوسىمشا ۋاقىتتا كەرتيس ۆولكتىڭ سوققان گولىنان كەيىن «بارىس» جەڭىسكە جەتتى.
قازىرگى كەزدە ەلوردالىق كلۋب 30 ماتچتان كەيىن 26 ۇپايعا يەلىك ەتىپ, تۇراقتى بىرىنشىلىكتىڭ جارىس كەستەسىندە 19-ورىندى ەنشىلەۋدە.