شاۆقات كارلستونعا قارسى شىعادى

كارلستون حارريس 1987 جىل­دىڭ 9 شىلدەسىندە وڭتۇستىك امە­ريكا قۇرلىعىنىڭ سولتۇستىك-شىعىسىندا ورنالاسقان گايانا دەپ اتالاتىن شاعىن عانا ەلدە دۇنيەگە كەلدى. جاستايىنان ارالاس جەكپە-جەكپەن شۇعىلدانعان ونىڭ كاسىپقويلار اراسىنداعى العاشقى قادامى اسا ءساتتى بولمادى. باستاپقى ءۇش باسەكەنىڭ ەكەۋىندە كارلستون جەڭىلىس تاپتى. اتاپ ايتساق, 2011 جىلدىڭ قوڭىر كۇزىندە برازيليالىق چريس­تيانو ماركەستەن جانە 2012 جىل­دىڭ كوكتەمىندە فەرناندو برۋ­نودان ۇپاي سانىمەن ۇتىلدى. ەسە­سىنە ودان كەيىن التى بىردەي كەز­دەسۋدە قارسىلاستارىن ويسىراتا ۇتىپ, كوپشىلىك نازارىنا ىلىكتى.

ءوزىنىڭ سپورتتىق كارەراسىندا حارريس 21 رەت وكتاگونعا شىعىپ, 17 مارتە جەڭىس تويى­ن توي­لادى. توعىز باسەكەنى مەر­زى­مىنەن بۇرىن اياقتادى. ءتورت جە­ڭىلىستىڭ ۇشەۋىندە ۇپاي سانىمەن ۇتىلسا, ءبىر رەت تەحنيكالىق نوكاۋت تىركەلدى. ءاۋ باستا ءتۇر­لى پروموۋشەندەردە ونەر كورسەت­كەن ول بيىلعى جىلدان باس­تاپ UFC-دە كۇش سىناسۋدا. بۇل رەتتە ەكى باسەكە وتكىزىپ, ەكەۋىن­دە دە مەرەيى ۇستەم بولدى. گاي­ا­نالىق سپورتشى 8 مامىر­دا امە­ريكالىق كريستيان اگي­لەرا­نى قىلقىندىرىپ تاستاسا, 18 قىركۇيەكتە اقش-تىڭ تاعى ءبىر وكىلى يمپا كاسانگانايدى ەسىنەن تاندىردى. بۇل جەكپە-جەكتىڭ ەكەۋى دە ءبىرىنشى راۋندتاردا اياق­تالدى. وسىلايشا, كارلستون قاتارىنان بەسىنشى كەزدەسۋىن ءوز پايداسىنا شەشتى.

ال شاۆقات راحمونوۆتىڭ ءجۇرىپ وتكەن جولى جانكۇيەر­لەر­دىڭ كوز الدىندا. 27 جاستاعى قانداسىمىز 2014 جىلدان بەرى وسى سپورت ءتۇرىن سەرىك ەتىپ ءجۇر. سول ارالىقتا 14 رەت ايقاس الا­ڭىنا شىعىپ, بارلىق باسەكەنى ايقىن باسىمدىقپەن اياقتادى. كەزىندە ول م-1 Global نۇسقاسى بويىنشا چەمپيوندىق اتاقتى يەلەنسە, سوڭعى ەكى جەكپە-جەگىن UFC-دە وتكىزىپ, ەكى رەتىندە دە قار­سىلاستارىن تىرپ ەتكىزبەي ۇتتى.