قازاقستاندا تۇركى مەملەكەتتەرى ۇيىمىنا قاتىسۋشى ەلدەردىڭ دياسپوراسى ماسەلەلەرى جونىندەگى ۆەدومستۆولاردىڭ باسشىلارى قاتىسقان IV وتىرىسى ءوتتى, دەپ حابارلايدى Egemen.kz.
اقپارات جانە قوعامدىق دامۋ ۆيتسە-ءمينيسترى سەرىك ەگىزباەۆ العى ءسوز ايتتى.
«تۇركى كەڭەسى تۇركى مەملەكەتتەرى ۇيىمى بولىپ قايتا قۇرىلعان ىستامبۇلداعى تۇركى مەملەكەتتەرى باسشىلارىنىڭ جاقىندا وتكەن كەزدەسۋى دياسپورالار ماسەلەلەرى بويىنشا ىنتىماقتاستىقتى ودان ءارى دامىتۋعا جاڭا سەرپىن بەرەدى», دەپ اتاپ ءوتتى ۆيتسە-مينيستر.
كۇن تارتىبىندە تۇركىتىلدەس دياسپورالاردىڭ قازىرگى جاعدايىنىڭ وزەكتى ماسەلەلەرى, تۇركى مەملەكەتتەرى ۇيىمى مۇشەلەرى اراسىنداعى ىنتىماقتاستىقتى ۇيلەستىرۋ جانە نىعايتۋ ماسەلەلەرى تالقىلاندى. سونىمەن قاتار, تۇركى ەلدەرى اراسىنداعى ىنتىماقتاستىقتى نىعايتۋعا ارنالعان بىرلەسكەن ءىس-شارالاردى ىسكە اسىرۋ ماسەلەلەرى قارالدى.
ءىس-شاراعا تۇركى مەملەكەتتەرى ۇيىمى باس حاتشىسىنىڭ ورىنباسارى كىسمەت گوزالوۆ, سونداي-اق تۇركى مەملەكەتتەرى ۇيىمىنا قاتىسۋشى ەلدەردىڭ ۋاكىلەتتى وكىلدەرى تۇركيا رەسپۋبليكاسى ۇكىمەتى جانىنداعى شەتەلدەگى تۇرىكتەر ىستەرى جانە تۋىس قوعامداستىقتار باسقارماسىنىڭ (YTB) پرەزيدەنتى ابدۋللاح ەرەن, ازەربايجان رەسپۋبليكاسى دياسپورا ىستەرى جونىندەگى مەملەكەتتىك كوميتەتىنىڭ توراعاسى فۋاد راۋف وگلى مۋرادوۆ, وزبەكستان رەسپۋبليكاسى مينيسترلەر كابينەتى جانىنداعى شەت ەلدەرمەن ۇلتارالىق قاتىناستار جانە دوستىق بايلانىستار جونىندەگى كوميتەتتىڭ توراعاسى رۋستامبەك كۋربانوۆ, قىرعىز رەسپۋبليكاسى سىرتقى ىستەر مينيسترلىگى جانىنداعى سىرتقى كوشى-قون دەپارتامەنتىنىڭ ديرەكتورى تاشتانبەك كايمازاروۆ قاتىستى.
تۇركى مەملەكەتتەرىنىڭ وكىلدەرى قازاقستاندا وتكەن تۇركى مەملەكەتتەرىنىڭ دياسپورالار ىستەرى جونىندەگى ۇيىمىنىڭ وتىرىسىنا ريزاشىلىقتارىن ءبىلدىرىپ, جوعارى باعا بەردى.