مەملەكەت باسشىسى الماتى قالاسىنا جۇمىس ساپارىنىڭ سوڭىندا «Alatau Creative Hub» يننوۆاتسيالىق ورتالىعىنا باردى, دەپ حابارلايدى Egemen.kz اقورداعا سىلتەمە جاساپ.
نىسان «شەتسىز قالا» ستراتەگياسىن جۇزەگە اسىرۋ اياسىندا بىلتىر جەلتوقسان ايىندا اشىلعان.
ورتالىقتا كومپيۋتەرلىك باعدارلامالاردى جاساۋدى ۇيرەنۋگە, كرەاتيۆتى يندۋستريانى دامىتۋعا, شىعارماشىلىق الەۋەت پەن ۆيرتۋالدى ونەردى دامىتۋعا مۇمكىندىك بار. جالپى مۇندا ءتۇرلى باعىتتار بويىنشا 25 ۇيىرمە تەگىن جۇمىس ىستەيدى.
پرەزيدەنتكە كىتاپحانا, بالالاردىڭ ويىن الاڭى, ۆوكال ستۋدياسى, IT زەرتحانا, ەلەكتر تەحنيكاسى مەن روبوت تەحنيكاسى زالدارى, ءداستۇرلى مۋزىكاعا ارنالعان مۋلتيمەديا ورتالىعى تانىستىرىلدى.
بۇدان بولەك مەملەكەت باسشىسىنا تسيفرلاندىرۋ قۇرالدارىن قولدانۋعا, كرەاتيۆتى يندۋستريانى دامىتۋعا ارنالعان پرەزەنتاتسيالار كورسەتىلدى.
الماتى قالاسىنىڭ اكىمى باقىتجان ساعىنتاەۆ پرەزيدەنتكە قالانىڭ كولىك جۇيەسىن دامىتۋ جونىندە باياندادى.
قاسىم-جومارت توقاەۆ ورتالىق قىزمەتكەرلەرىمەن جانە وندا كەلۋشىلەرمەن اڭگىمەلەسىپ, سۋرەتكە ءتۇستى, سونداي-اق ولاردىڭ جۇمىسىنا تابىس تىلەدى.