2021 جىلدىڭ 11-12 جەلتوقسانىندا جىل سايىنعى ەڭ ءىرى MARKETHON حاكاتونى بەسىنشى رەت وتەدى. بيىل جارىس ونلاين ۇيىمداستىرىلادى, دەپ حابارلايدى Egemen.kz.
جارىسقا جاسامپاز نارىقتىڭ جاڭادان باستاپ جۇرگەن جانە تاجىريبەلى قاتىسۋشىلارى: ديزاينەرلەر, يلليۋستراتورلار, ماركەتولوگتار, كوپيرايتەرلەر, ديزاين ستۋديالارى, پروداكشن اگەنتتىكتەرى جانە شىعارماشىلىق سالالاردىڭ باسقا دا كاسىپقويلارى قاتىسا الادى. بايقاۋ ۇيىمداستىرۋشىسى - نازارباەۆ ۋنيۆەرسيتەتى يننوۆاتسيالىق كلاستەرىنىڭ Digital Creativity Lab (NURIS) تسيفرلىق جانە كرەاتيۆتى تەحنولوگيالار زەرتحاناسى.
جارىسقا تىركەلۋ 2021 جىلدىڭ 01 جەلتوقسانىنا دەيىن قوسا العاندا http://markethon.kz/ سايتىندا اشىق. جارىستىڭ جالپى جۇلدە قورى - 3 000 000 تەڭگە. جەكە تۇردە جانە كوماندالىق قاتىسۋ مۇمكىندىگى بار. نەبارى 24 ساعات ىشىندە قاتىسۋشىلار قازاقستاننىڭ اۋقىمدى كومپانيالارى - Kazakhtelecom Business, Jusan Bank, Magnum Cash&Carry, THE STEPPE جانە Nazarbayev University ناقتى بيزنەس-ماسەلەلەرىن شەشەدى.
قاتىسۋشىلار UI/UX Web Design, Graphic/Motion Design, ماركەتينگتىك ستراتەگيا سەكتسيالارىندا كومپانيانىڭ تاپسىرماسى بويىنشا ونىم/شەشىم ازىرلەپ, ونى باعالاۋ ءۇشىن كومپانيا ساراپشىلارىنا ۇسىنۋى كەرەك. ءار كوماندا شەشىمنىڭ جۇمىس ءپروتوتيپىن كورسەتىپ, كومپانيا مەن تۇتىنۋشى تۇرعىسىنان ىڭعايلىلىقتى قاراستىرعان ءجون.
«Markethon باستى ماقساتى - ماركەتينگ, جارناما جانە ديزاين سالاسىنداعى تالانتتى جاستاردى ءىرى كومپانيالارمەن ىنتىماقتاستىقتا جاڭا جوبالاردى ىسكە اسىرۋعا تارتۋ. جاستار ءۇشىن - بۇل وزدەرىن كورسەتۋگە, ال كومپانيالار ءۇشىن جاڭا يدەيالار مەن پوتەنتسيالدى كادرلار تابۋعا مۇمكىندىك», دەيدى ۇيىمداستىرۋشىلار.
حاكاتون اياسىندا قاتىسۋشىلار ساراپشىلارمەن سۇحباتتاسىپ, ورىندالعان تاپسىرما مەن ولاردى شەشۋ جولدارى تۋرالى كەرى بايلانىس الۋعا مۇمكىندىك الا الادى. ۇزدىك جۇمىستار كومپانيالاردان باعالى سىيلىقتار, اقشالاي سەرتيفيكاتتار, تاعىلىمداما سياقتى جۇلدەلەرگە ۇمىتكەرلىك تانىتادى. 18 جاستان اسقان بارلىق جاندار قاتىسۋ مۇمكىندىگىنە يە.