ايەلدەر كاسىپكەرلىگىن قولداۋعا ارنالعان ورتالىق اشىلدى

بۇل ەلىمىزدە اشىلىپ وتىرعان ءبىرىنشى ورتالىق.

ورتالىقتىڭ اشىلۋى ءىسشاراسىنا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ءلاززات رامازانوۆا, ۇلتتىق ەكونوميكا ۆيتسە-ءمينيسترى الىشەر ابدىقادىروۆ, تۇركىستان وبلىسىنىڭ اكىمى ورىنباسارى ارمان جەتپىسباەۆ,«اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ورىنباسارى ولجاس ورداباەۆ قاتىستى, حالىقارالىق ۇيىمداردىڭ, ديپلوماتيالىق كورپۋستىڭ وكىلدەرى.

ايتۋلى ءىسشارا  قازاقستان رەسپۋبليكاسى تاۋەلسىزدىگىنىڭ 30-جىلدىعى جانە ايەلدەر كاسىپكەرلىگىنىڭ حالىقارالىق كۇنىنە وراي ۇيىمداستىرىلدى.

مۇنداي ورتالىقتاردى اشۋ Nur Otan پارتياسىنىڭ سايلاۋالدى باعدارلاماسىندا قاراستىرىلعان, سونداي-اق ەل پرەزيدەنتى قاسىم-جومارت توقاەۆ «ايەلدەردىڭ ەكونوميكالىق مۇمكىندىكتەرىن ارتتىرۋ شارالارى مەن قۇرالدارى» اتتى بيىل 3 ناۋرىزدا وتكەن ساراپشىلار وتىرىسىندا ورتالىقتاردى قۇرۋدىڭ قاجەتتىلىگى جايلى اتاپ وتكەن بولاتىن. بۇل باستامانى جۇزەگە اسىرۋ ماقساتىندا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا, ۇلتتىق ەكونوميكا مينيسترلىگى جانە قر «اتامەكەن» ۇلتتىق كاسىپكەرلەر پالاتاسى ەلىمىزدىڭ بارلىق وڭىرىندە 17 ورتالىق اشۋ تۋرالى كەلىسىمگە قول قويىلعان بولاتىن.

قولداۋ ورتالىقتارى ارقىلى كاسىبىن دوڭگەلەتىپ وتىرعان ىسكەر حانىمدار مەن جەكە كاسىپتى قولعا العان قىز-كەلىنشەكتەرگە قارجىلاي ەمەس بارلىق قىزمەتتۇرلەرىنەن قولداۋ كورسەتىلىپ, جەكە بيزنەس جوبالاردى ىسكە اسىرۋداپراكتيكالىق كومەك تۇرلەرى ۇسىنىلاتىن بولادى. ونىمەن قوسا وقىتۋ ترەنينگتەرى مەن ماستەر-كلاسستار ۇيىمداستىرۋ, جەڭىلدەتىلگەن نەسيە بەرۋ باعدارلامالارىنا, كووپەراتيۆتىك قوزعالىستارعا تارتۋ, دايىن ونىمدەردى نارىققا وتكىزۋ اياسىن كەڭەيتۋ جاعىنان كومەك كورسەتۋ كوزدەلگەن.

ۇلتتىق كوميسسيا ءتورايىمى ءلاززات رامازانوۆا ءبىرىنشى ورتالىقتىڭ اشىلۋ سالتاناتىندا سويلەگەن سوزىندە بۇل ورتالىقتىڭ ءوڭىردىڭ ەكونوميكالىق الەۋەتىن نىعايتۋعا جانە جالپى وتباسىلاردىڭ ءال-اۋقاتىن  جاقسارتۋعا سەپتىگىن تيگىزەتىنىن اتاپ ءوتتى.

«قىز-كەلىنشەكتەر كەز كەلگەن سۇيىكتى ءىسىن تابىس كوزىنە اينالدىرىپ, وتباسىنىڭ بيۋدجەتىن مولايتا الاتىنىن تاجىريبەدەن كورىپ وتىرمىز. دەسە دە كوپ جاعدايدا جەكە كاسىپتى اشۋعا ءبىلىمى جەتكىلىكسىز بولىپ جاتادى, كەيدەىنتالاندىرۋ جەتىسپەسە, ەندى بىرىنە كاسىپتى باستاعان العاشقى كەزەڭدەردە قولداۋ جەتىسپەي جاتادى. وڭىرلەردەگى قولداۋ ورتالىقتارى قاجەتتى بىلىكتىلىك پەن پراكتيكالىق تۇرعىدان كومەك كورسەتەتىن ورتاق الاڭ بولۋى ءتيىس. تابىس تابۋدى ۇيرەنگىسى كەلگەن كەز كەلگەن قىز-كەلىنشەك, اۋىلداردان بولسا دا, بۇل ورتالىقتاردا تەك كەڭەس الىپ قويماي, ءىس جۇزىندە قولداۋ مەن كومەك الاتىنىن سەزىنەتىن بولادى. ورتالىقتار قىز-كەلىنشەكتەردىڭ ەكونوميكالىق مۇمكىندىكتەرىن ارتتىرىپ قانا قويماي, جالپى ءوڭىردىڭ ەكونوميكاسىن كۇشەيتە تۇسەتىنىنە سەنىمىمىز مول», دەدى ۇلتتىق كوميسسيا ءتورايىمى ءلاززات رامازانوۆا.  

ورتالىقتاردى اشۋعا قاجەتتى قاراجات «COVID-19 ىندەتىنە قارسى كۇرەستەگىىنتىماقتاستىق قورى» جوباسى اياسىندا ازيا دامۋ بانكى مەن بۇۇ دامۋ باعدارلاماسىنىڭ بىرلەسكەن قاراجاتى ەسەبىنەن بولىنەدى. سونداي-اق «اتامەكەن» ۇكپ جانىنداعى ىسكەر ايەلدەر كەڭەسىنىڭ مۇشەلەرى قىز-كەلىنشەكتەرگە جەتەكشى رەتىندە قولداۋ كورسەتەتىن بولادى. ال «بۇۇ-ايەلدەر» قۇرىلىمى ورتالىقتارعا قاجەتتى ادىستەمەلىك قولداۋدى قامتاماسىز ەتىپ, ورتالىق قىزمەتكەرلەرىن وقىتۋ, ادىستەمەلىك سۇيەمەلدەۋ, كەيىننەن قىز-كەلىنشەكتەردىڭ وندىرگەن ونىمدەرىن نارىققا وتكىزۋگە ارنالعان ينتەرنەت-پورتالدى ازىرلەۋ ءىسىن جۇزەگە اسىرماق.

ءبىرىنشى كەزەڭدە ايەلدەر كاسىپكەرلىگىن قولداۋ ورتالىقتارى تۇركىستان وبلىسى, الماتى وبلىسى جانە ماڭعىستاۋ وبلىسىندا اشىلادى. ال ەلىمىزدىڭ قالعان وڭىرلەرىندە مۇنداي ورتالىقتار 2022 جىلدىڭ ناۋرىز ايىنان باستاپ اشىلاتىن بولادى.