ۆەنگريانىڭ دەبرەتسەن قالاسىندا شورت-ترەكتەن الەم كۋبوگىنىڭ ءۇشىنشى كەزەڭى ءوتىپ جاتىر. ىرىكتەۋ ناتيجەسى بويىنشا ەكى قازاقستاندىق سپورتشى 500 مەترگە جارىسۋدان شيرەك فينالعا جولداما الدى, دەپ حابارلايدى Egemen.kz ۇوك-كە سىلتەمە جاساپ.
شيرەك فينالدا دەنيس نيكيشا مەن ءادىل عالياحمەتوۆ سىنعا تۇسەدى. ولار ىرىكتەۋ كەزەڭىندە ءوز توبىندا ەكىنشى ورىن الىپ, كەلەسى اينالىمعا ءوتتى.
وكىنىشكە قاراي, كوماندا ۇزدىگى ابزال اجىعاليەۆ ¼ كەزەڭگە شىعا العان جوق.
الەم كۋبوگىنىڭ ەكىنشى جارىس كۇنى نۇر-سۇلتان ۋاقىتىمەن 15:00-دە باستالادى.