تۇركيا استاناسى انكارادا گاز جارىلىپ, ءۇش قاباتتى تۇرعىن ءۇي وپىرىلىپ ءتۇستى, دەپ حابارلايدى Egemen.kz.
بۇل تۋرالى Daily Sabah باسىلىمى ءمالىم ەتتى.
دەنساۋلىق ساقتاۋ ءمينيسترى فاحرەتتين كوجا كەچيورەن ايماعىنداعى جارىلىستان زارداپ شەككەن ەكى بالانىڭ جاعدايى اۋىر ەكەنىن ايتتى. وقيعادان كەيىن بىردەن سەگىز جەدەل جاردەم جىبەرىلدى, دەدى كوجا.
ال انكارا گۋبەرناتورى ۆاسيپ شاحين جارىلىس سۇيىتىلعان مۇناي گازى (PG) اسەرىنەن بولعانىن ايتتى. قۇتقارۋشىلار زارداپ شەككەندەردى ىزدەۋدى جالعاستىرىپ جاتىر, ادامدار ءۇيىندى استىندا قالۋى مۇمكىن.
قاجەتتى تالداۋلاردان كەيىن ەگجەي-تەگجەيلى مالىمدەمە كەيىنىرەك جاسالاتىنى ايتىلدى.