ءبىرىنشى جارتىلاي ورتا سالماق دارەجەسىندە ءوز ۋاقىتىندا الەمنىڭ ءابسوليۋتتى چەمپيونى بولعان كوستيا ءتسزيۋدىڭ ۇلى تيم تسزيۋ كەزەكتى جەكپە-جەگىندە جەڭىسكە جەتىپ, ەكى بەلبەۋىن ءساتتى قورعادى, دەپ حابارلايدى Egemen.kz.
27 جاستاعى اۆستراليالىق بىلعارى قولعاپ شەبەرى تيم تسزيۋ جاپونيالىق تاكەشي ينوۋەمەن قولعاپ ءتۇيىستىردى. اۆستراليانىڭ گولد-كوست قالاسىندا وتكەن جەكپە-جەك جوسپارلانعان 12 راۋندقا سوزىلدى. سوڭعى راۋندتا تيم قارسىلاسىن نوكداۋنعا ءتۇسىردى. الايدا تاكەشي كەزدەسۋدى جالعاستىرۋعا قابىلەتتى ەكەنىن كورسەتتى. 12 راۋند قورىتىندىسى بويىنشا تيم تورەشىلەردىڭ ءبىر جاقتى شەشىمىمەن جەڭىسكە جەتىپ, ءبىرىنشى ورتا سالماقتاعى وزىنە تيەسىلى WBO Global جانە WBO Asia Pacific بەلبەۋىن ءساتتى قورعادى.