مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ VI وتىرىسىندا ءسوز سويلەدى, دەپ حابارلايدى Egemen.kz.
«ساياسي وزگەرىستەر جۇيەلى اسەر ەتەدى. سىزدەردىڭ تىكەلەي قاتىسۋلارىڭىزبەن ەلدى ودان ءارى دەموكراتيالاندىرۋعا باعىتتالعان رەفورمالاردىڭ 4 پاكەتى ازىرلەندى», دەدى قاسىم-جومارت توقاەۆ وتىرىس بارىسىندا.
پرەزيدەنت جاعداي بويىنشا مىسالدار كەلتىردى.
«سايلاۋ تىزىمىندەگى ايەلدەر مەن جاستار ءۇشىن 30% كۆوتانىڭ ەنگىزىلۋى پارتيالاردىڭ جۇمىسقا دەگەن كوزقاراستارىن قايتا قاراۋعا يتەرمەلەدى. ەگەر بۇرىن وسى ساناتتاعى ازاماتتاردىڭ پارتيالىق تىزىمدەگى ۇلەسى 20%-دان اسپاسا, كۆوتا ەنگىزىلگەننەن كەيىن ول 34%-عا جەتتى», دەپ اتاپ ءوتتى مەملەكەت باسشىسى.
«ايەلدەر مەن جاستاردىڭ ءوز الەۋەتىن ىسكە اسىرۋ ءۇشىن قوسىمشا مۇمكىندىكتەرى پايدا بولدى. بىراق ءبىز ودان ءارى قاراي جۇرەمىز. ەندى گەندەرلىك جانە جاستار كۆوتاسى پارتيانىڭ دەپۋتاتتىق مانداتتارىن ءبولۋ كەزىندە دە جۇمىس ىستەيتىن بولادى», دەپ تۇيىندەدى پرەزيدەنت.