پرەزيدەنت قاسىم-جومارت توقاەۆ كورنەكتى مەملەكەت قايراتكەرى, بەلگىلى قارجىگەر داۋلەت سەمباەۆتىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى, دەپ جازادى Egemen.kz.
«داۋلەت حاميت ۇلى زاۋىت شەبەرىنەن پرەمەر-ءمينيستردىڭ ءبىرىنشى ورىنباسارى, قازاقستان رەسپۋبليكاسىنىڭ ۇلتتىق بانك توراعاسى قىزمەتىنە دەيىنگى ۇلكەن ومىرلىك ءارى كاسىبي جولدان ءوتتى. ونىڭ ەلىمىزدەگى قارجى سەكتورىن قالىپتاستىرۋعا جانە دامىتۋعا, ۇلتتىق ۆاليۋتانى ەنگىزۋگە, تاۋەلسىز قازاقستاننىڭ زەينەتاقى رەفورماسىن جۇرگىزۋگە سىڭىرگەن ەڭبەگى زور. ول جاڭا ەكونوميكالىق ساياساتتىڭ جولعا قويىلۋىنا ولشەۋسىز ۇلەس قوستى. پارلامەنت سەناتىنىڭ دەپۋتاتى, قارجىگەرلەر اسسوتسياتسياسى كەڭەسىنىڭ توراعاسى رەتىندە قارجىلىق-ەكونوميكالىق زاڭنامانى جەتىلدىرۋ ءۇشىن اۋقىمدى ءارى ءتيىمدى جۇمىس ىستەدى», دەلىنگەن جەدەلحاتتا.
قاسىم-جومارت توقاەۆ داۋلەت سەمباەۆتىڭ زور بەدەل مەن قۇرمەتكە يە بولعانىن جانە جاس قارجىگەرلەر بۋىنى ونى ۇلگى تۇتقانىن اتاپ وتكەن.