بۇگىننەن باستاپ شىمكەنتتىك وقۋشىلارعا كوروناۆيرۋسقا قارسى Pfizer ۆاكتسيناسىن سالۋ باستالدى. №14 ەمدەۋ ورتالىعىنىڭ ماماندارى مەكتەپتەردەگى ەگۋ بەكەتىندە ۆاكتسيناتسيالاۋ جۇمىستارىن جۇرگىزدى, دەپ حابارلايدى Egemen.kz.
شىمكەنتكە Pfizer ۆاكتسيناسىنىڭ 46 800 دانا مولشەرىندەگى العاشقى پارتياسى جەتكىزىلگەن بولاتىن. ەكپە ەگىلەتىن تۇرعىندارعا قالانىڭ مەديتسينالىق ۇيىمدارىندا, ال جاسوسپىرىمدەرگە ءبىلىم بەرۋ ۇيىمدارىندا اتا-اناسىنىڭ نەمەسە ونىڭ زاڭدى وكىلدەرىنىڭ ەرىكتى كەلىسىمىنەن كەيىن جۇرگىزىلەدى.
جۇكتى ايەلدەر مەن بالا ەمىزەتىن انالار اۋماقتىق ەمحانالاردا ۆاكتسينا سالدىرا الادى.
ال, مەكتەپتەردە ۆاكتسيناتسيالاۋ جۇمىستارىن جۇرگىزۋ ءۇشىن 140 ەگۋ بەكەتى ۇيىمداستىرىلعان.