ءابۋ-دابي قالاسىندا شىعىس جەكپە-جەگى – دجيۋ-دجيتسۋدەن وتكەن الەم چەمپيوناتىندا قاراعاندى قالاسىنان بارىپ باق سىناعان ءالي اقسۇڭقار تاماشا ونەر كورسەتىپ, دۇنيەجۇزىلىك دودانىڭ جەڭىمپازى اتاندى, دەپ جازادى Egemen.kz.
بالعىن چەمپيون كەنشىلەر استاناسىنداعى №101 مەكتەپ-گيمنازيانىڭ 6-سىنىبىندا وقيدى. جاسى 11-گە بيىل تولعان ورەن سپورتتىڭ بۇل تۇرىمەن ءۇش جىلدان بەرى اينالىسادى ەكەن.
الەم چەمپيونى ءالي قازاقتىڭ بەلگىلى اقىنى, اباي اتىنداعى مەملەكەتتىك سىيلىقتىڭ لاۋرەاتى سەرىك اقسۇڭقار ۇلىنىڭ راۋان ەسىمدى ۇلىنان تۋعان نەمەرەسى. اتاسى نەمەرەسىنىڭ ايتقاندى ەكى ەتپەيتىن ەلگەزەك ەكەنىن, ساباققا دا, سپورتقا دا ۋاقىت تاۋىپ, بىردەي ۇلگەرىپ جۇرەتىنىن ايتادى.
ء«الي بۇدان بۇرىن دا ءبىرتالاي جارىستارعا قاتىسىپ, جۇلدە الىپ ءجۇردى. ول جەكپە-جەككە شىققاندا, ۇيدە تاقىمدى قىسىپ, شىقپا جانىم شىقپامەن وتىرامىز. نەمەرەم جارىستا نامىسشىل, ال ءومىردىڭ وزىندە مەيىرىمدى بولىپ ءوسىپ كەلەدى», دەيدى اجەسى عاليا بەردىباي.
قازىرگى ۋاقىتتا ءالي اقسۇڭقار بىلىكتى باپكەرلەر ولجاس نۇرتاحانوۆ پەن ايبار ورازالىنىڭ قاراماعىندا جاتتىعادى. بولاشاقتا ول ەرەسەكتەر اراسىنداعى الەم چەمپيوناتىندا ونەر كورسەتىپ, جەڭىس تۇعىرىنىڭ ەڭ بيىك ساتىسىندا تۇرىپ ەلىمىزدىڭ ءانۇرانىن شىرقاتۋدى ارماندايدى.