سوڭعى كەزدەرى ۇستەل تەننيسىنەن وتكەن بىرقاتار حالىقارالىق تۋرنيردەگى ءتاۋىر ناتيجەسى ارقىلى كيريلل گەراسيمەنكو الەمدىك رەيتينگتە بىردەن بەس ساتىعا جوعارىلادى.
قازىرگى كەزدە ول 41-ورىندى يەلەنۋدە. وسى ورايدا, گەراسيمەنكوعا دەيىن قازاقستاننىڭ بىردە-ءبىر ۇستەل تەننيسشىسى ءدال وسىنداي بيىككە كوتەرىلمەگەنىن ايتا كەتكەن ابزال. ەلىمىزدىڭ ەكىنشى راكەتكاسى ايدوس كەنجەعۇلوۆ ITTF 376-ورىندا تۇرسا, جامال بەكۇلان 387-ساتىعا جايعاستى. ەرلەردىڭ الەمدىك رەيتينگىندە قىتايدىڭ ءۇش بىردەي سايىپقىرانى كوش باسىندا كەلەدى. ولار – فان چجەندون, ما لۋن جانە سيۋي سين. جاپونيالىق توماكادزۋ حاريموتو مەن برازيليالىق حيۋگو كالدەرانو ءتورتىنشى جانە بەسىنشى ورىنداردى يەلەنۋدە.
ايەلدەر رەيتينگىندەگى «توپ-10» ويىنشىنىڭ جەتەۋى قىتاي وكىلدەرى. العاشقى ەكى ورىندى چەن مەن مەن سۋن ينشا ءوزارا بولىسۋدە. ءۇشىنشى ورىندا – جاپونيالىق ميما يتو. ال جەرلەستەرىمىزدىڭ اراسىنداعى ەڭ ۇزدىك كورسەتكىش اناستاسيا لاۆروۆا مەن زاۋرەش اقاشەۆاعا تيەسىلى. ولار 167 جانە 170-ساتىلارعا تۇراقتادى.