قىسقى ۋنيۆەرسياداعا دايىندىق قالاي؟

قىسقى ۋنيۆەرسيادا 1960 جىلدان بەرى ۇزدىكسىز ۇيىم­داس­تىرىلىپ كەلەدى. العاشقى جارىس فرانتسيانىڭ شاموني شاھارىندا ءوتتى. سودان كەيىنگى باسەكەلەردى شۆەيتساريانىڭ ۆيللار (1962 جىلى), چەحوسلوۆاكيانىڭ شپيند­لەرۋۆ-ملين (1964, 1978) مەن شتربسكە-پلەسو (1987), يتا­ليانىڭ سەستريەرە (1966), ليۆينو (1975), بەللۋنو (1985), اۋس­تريانىڭ ينسبرۋك (1968), فين­ليانديانىڭ روۆانيەمي (1970), اقش-تىڭ لەيك-پلەسيد (1972), يسپانيانىڭ حاكا (1981), بول­گاريانىڭ سوفيا (1983, 1989) جانە جاپونيانىڭ ساپپورو (1991) قالالارى قابىلدادى.

قازاقستاننىڭ ستۋدەنتتەر قۇراماسى اتالعان جارىستا 1993 جىلدان بەرى ونەر كورسەتۋدە. العاش رەت وتانداستارىمىز پول­شانىڭ زاكوپانەسىندە بوي كورسەتتى. سول جارىستا شايبالى حوككەيشىلەرىمىز ەكىنشى ورىندى يەلەندى. كۇمىسپەن كۇپتەلگەن كوماندانىڭ ساپىندا الەكساندر كورەشكوۆ, اندرەي تروششينسكي, ۆيتالي ترەگۋبوۆ, ماكسيم كوميسساروۆ, ان­درەي پچە­لياكوۆ جانە تاعى باسقا تانىمال وي­ىنشىلار ايشىقتى ونەرلەرىمەن كوزگە ءتۇستى.

1995 جىلى يسپانيانىڭ حاكا قالاسىندا شايبالى حوككەيدەن قازاقستان قۇراماسىنا تەڭ كەلەر كوماندا تابىلمادى. مانەرلەپ سىرعاناۋشىلاردىڭ جۇپتىق سايىسىندا مارينا حال­تۋرينا مەن اندرەي كريۋ­كوۆ التىن السا, ەليزاۆەتا سترەلنيكوۆا مەن دميتري كازارلىگا قولا مە­دالدى يەلەندى. وسى ناتيجە ارقىلى جەرلەستەرىمىز جالپى ەسەپتە 8-ورىنعا كوتەرىلدى. ودان كەيىنگى ءۇش ۋنيۆەرسيادادا جو­لىمىز بولمادى. اتاپ ايت­ساق, 1997 جىلى وڭتۇستىك كورەيا­نىڭ مۋدجۋ, 1999 جىلى سلو­ۆا­كيانىڭ پوپراد جانە 2001 جىلى پولشانىڭ زاكوپەنەسىنەن قۇر­قول قايتتىق.

2003 جىلى يتاليانىڭ سول­تۇستىك-شىعىسىندا ورنالاسقان تارۆيزيو دەپ اتالاتىن شاعىن قالادا وتانداستارىمىز قازاق ەلىنىڭ ءانۇرانىن قايتا شىرقاتىپ, بايراعىمىزدى بيىكتە جەلبىرەتتى. اپەننين تۇبەگىندە بىزگە بۇيىرعان التى جۇلدەنىڭ بارلىعىن دا شاڭعىشىلار ولجالادى. نيكولاي چەبوتكو مەن سۆەتلانا مالاحوۆا تەڭدەسسىز دەپ تانىلسا, اندرەي گولوۆكو – ەكى جانە وكسانا ياتسكايا ءبىر كۇمىسكە قول جەتكىزدى. داريا ستاروستينا قولا السا, 4ح10 شاقىرىمدىق ەستافەتالىق سايىستا ءدال سول مەجەدەن كورىندى.

2005 جىلعى دۇنيەجۇزىلىك ۋنيۆەرسيادانى اۋستريانىڭ ينس­برۋك قالاسى قابىلدادى. جەر­لەستەرىمىز بۇل جولى جەتى رەت جەڭىس تۇعىرىنا كوتەرىلدى. بۇل جۇلدەلەردىڭ بارلىعى دا شاڭ­عى­شىلارعا تيەسىلى. جەكەلەگەن سايىستا ەۆگەني كوشەۆوي مەن سۆەتلانا مالاحوۆا الدىنا جان سالمادى. ەرلەردىڭ 4ح10 جانە ايەلدەردىڭ 3ح5 شاقىرىمدىق ەستافەتاسىندا قازاقستاندىقتاردىڭ قارقىنىنا ەشكىم شىداي المادى. نيكولاي چەبوتكو ەكىنشى ورىنعا تۇراقتاسا, ەلەنا كولومينا مەن ماكسيم ودنودۆورتسەۆ ءۇشىنشى ساتىعا جايعاستى.

2007 جىلى يتاليانىڭ تۋ­رينىندە قورجىنعا تۇسكەن التى جۇلدەنىڭ بەسەۋىن شاڭعىشىلار ولجالادى. نيكولاي چەبوتكو جانە 4ح10 شاقىرىمدىق ەستافەتادا باق سىناعان ستۋدەنتتەرىمىز التىن الدى. ەلەنا كولومينا كۇمىسپەن كۇپتەلسە, سەرگەي چە­رە­پانوۆ پەن حوككەيشىلەر قو­لاعا قول جەتكىزدى. 2009 جىلى قىتايدىڭ حاربينىنەن ەڭسەمىز تۇسكەن كۇيى ورالدىق. 2011 جىلى تۇركيانىڭ ەرزۋرۋم قالا­سىندا جەرلەستەرىمىز التى مار­تە جەڭىس تۇعىرىنا كوتەرىلدى. انادولى ەلىندە فريستايلشى داريا رىبالوۆا التىننان القا تاقسا, دەنيس مويسەەۆ كۇمىس مە­دالدى موينىنا ءىلدى. گەننادي ماتۆيەنكو, الەكساندر وسيپوۆ, دەنيس ۆولوتكا جانە ەستافەتالىق سايىستا شاڭعىشىلار قولا جۇلدەنى يەمدەندى. 2013 جىلى يتاليانىڭ ترەنتينوسىندا بەس جۇلدەنىڭ تورتەۋى شاڭعىشىلار قۇراماسىنا تيەسىلى. التىن العاندار – تاتيانا وسيپوۆا مەن ەرلەر ەستافەتاسى. كۇمىستى ەن­شى­لەگەندەر – مارك ستاروستين مەن شايبالى حوك­كەيشىلەر. قولاعا قول سوزعان – ەستافەتادان ايەلدەر كومانداسى.

2015 جىلعى جارىستىڭ جالاۋى يسپانيانىڭ گرانادا جانە سلوۆاكيانىڭ شتربسكە-پلەسو مەن وسربلە قالالارىندا جەلبىرەدى. بۇل جارىستا قازاقستاندىق سپورت­شىلاردىڭ جۇلدىزى جار­قىراي جاندى. جەرلەستەرىمىز 5 التىن جانە 6 كۇمىستى يەلەنىپ, جالپىكوماندالىق ەسەپتە ءۇشىن­شى ورىنعا كوتەرىلدى. توپ جار­عاندار قاتارىندا شاڭعىشى اناس­تاسيا سلونوۆا (ەكى رەت), فريس­تايلشى يۋليا گالىشەۆا مەن پەتر كولماكوۆ جانە بيات­لونشى الينا رايكوۆا سىندى ستۋدەنتتەر بولدى. ەكى التىننان بولەك, سلونوۆا تاعى ءبىر كۇمىستى ەنشىلەدى. سول سەكىلدى ۆيكتوريا لانچاكوۆا (شاڭعى) مەن دميتري رەيحەرد (فريستايل) جانە شاڭعى, بياتلون مەن شايبالى حوككەيدەن قازاقستان قۇراماسى ۇزدىك ۇشتىكتى قورىتىندىلادى.

2017 جىلعى دۇنيەجۇزىلىك قىسقى ۋنيۆەرسيادانىڭ الاۋى اسەم قالا – الماتىدا تۇتان­دى. الاتاۋ باۋرايىندا ۇيىم­داستىرىلعان ءدۇبىرلى دودادا 56 مەم­لەكەتتەن كەلگەن 2 مىڭعا جۋىق ۇمىتكەر باق سىنادى. ولار سپورت­تىڭ 12 ءتۇرى بويىنشا سايىسقا ءتۇسىپ, 85 جۇلدە جيىنتىعىن ساراپ­قا سالدى. باسەكەلەر «الماتى ارەنا», «مەدەۋ», «شىمبۇلاق», «الا­تاۋ», «حالىق ارەنا», «تا­باعان», «سۇڭقار» كەشەندەرى مەن بالۋان شولاق اتىنداعى سپورت سارايىندا ءوتتى. ءوز ەلىمىزدە وتكەن جارىستا قازاقستاننىڭ سپورتشىلارى تولاعاي تابىسقا قول جەتكىزىپ, جالپى ەسەپتە ەكىنشى ورىندى ولجالادى. قورجىنىمىز 36 جۇلدەمەن تولىقتى. ونىڭ 11-ءى – التىن, 8-ءى – كۇمىس جانە 17-ءسى – قولا. كوماندالىق سايىستا جەر­لەستەرىمىز رەسەيدەن عانا قالىپ قويدى.

 الماتىدا جالاۋى جەلبىرەگەن جارىستا بياتلونشى گالينا ۆيشنەۆسكايا, فريستايلشى يۋليا گالىشەۆا مەن دميتري رەيحەرد ەكى رەتتەن التىن تۇعىرعا كوتەرىلسە, الينا رايكوۆا (بياتلون), يۆان ليۋفت, اننا شەۆچەنكو مەن ول­جاس كليمين دۋەتى (شاڭعى), دە­نيس تەن (مانەرلەپ سىرعاناۋ) جانە جانبوتا الدابەرگەنوۆا مەن باعلان ىڭكاربەك دۋەتى (فريس­تايل) ءدال سونداي قۇرمەتكە بولەندى. گالينا ۆيشنەۆسكايا, رومان ەرەمين, ارالاس ەستافەتا (بياتلون), ەرلەردىڭ 4ح7,5 جانە ايەلدەردىڭ 3ح5 شاقىرىمدىق ەستافەتاسى, جىبەك اراپباەۆا (فريستايل), ابزال اجىعاليەۆ (شورت-ترەك), شايبالى حوككەيدەن ەرلەر قۇراماسى كۇمىس مەدالدى مويىندارىندا جارقىراتتى. شاڭعىشى اننا شەۆچەنكو ءۇش مارتە جانە شورت-ترەكشى دەنيس نيكيشا مەن فريستايلشى پاۆەل كولماكوۆ ەكى رەتتەن قولاعا قول سوزدى. سونداي-اق رومان ەرەمين مەن انتون پانتوۆ (بياتلون), اننا ستويان مەن سەرگەي م؟؟؟؟؟؟ (؟؟؟؟؟الىشەۆ (شاڭعى), جانبوتا الدابەرگەنوۆا (فريستايل), ەكاتەرينا ايدوۆا (كونكي), نۇربەرگەن جۇماعازيەۆ جانە شورت-ترەكتەن ەلىمىزدىڭ ەرلەر مەن ايەلدەر قۇراما كوماندالارى سول مەجەدەن كورىندى.

2019 جىلعى ۋنيۆەرسيادانى رەسەيدىڭ كراسنويارسك قالاسى قا­بىلدادى. ءسىبىردىڭ قاقاعان ايا­­زىندا قازاقستانىڭ سپورت­شى­لارىنا باس جۇلدە بۇيىرمادى. بۇل جولى شاڭعىشى اسەت دۇي­سەنوۆ, مانەرلەپ سىرعاناۋشى ەليزابەت تۇرسىنباەۆا جانە فريستايلشى پاۆەل كولماكوۆ ەكىنشى ورىن السا, جانبوتا ال­دابەرگەنوۆا ءۇشىنشى ساتىعا تا­­بان تىرەدى. سونداي-اق شاڭعىشىلاردىڭ ەستافەتاسىندا كۇمىس جانە شورت-ترەكتىڭ كوماندالىق سايىسىندا قوس قولانى قانجىعاعا بايلادىق.