ماسكەۋدە تمد-عا قاتىسۋشى مەملەكەتتەردىڭ قورعانىس مينيسترلەرى كەڭەسىنىڭ وتىرىسى ءوتتى. وعان قر قورعانىس ءمينيسترى, گەنەرال-لەيتەنانت مۇرات بەكتانوۆ باستاعان قازاقستاندىق اسكەري دەلەگاتسيا قاتىستى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
وتىرىس بارىسىندا اسكەري-ساياسي جاعداي جانە ونىڭ دوستاستىق ەلدەرىنىڭ قاۋىپسىزدىگىنە اسەرى, اسكەري ءبىلىم بەرۋ, كادرلار دايارلاۋ, گۋمانيتارلىق ميناسىزداندىرۋ, اۋە قورعانىسىنىڭ بىرىككەن جۇيەسى مەن ونىڭ اۋە-عارىشتىق قورعانىس مىندەتتەرىن شەشۋگە بەيىمدەلۋى ماسەلەلەرى قارالدى.
دوستاستىق مەملەكەتتەرىنىڭ قورعانىس مينيسترلەرى 2021 جىلعى ارميا حالىقارالىق ويىندارىنىڭ قورىتىندىلارى تۋرالى باياندامالاردى تىڭداپ, اسكەري قىزمەتشىلەردىڭ اسكەري-كاسىبي شەبەرلىگىن ارتتىرۋ تۋرالى پىكىر الماستى. وتىرىسقا قاتىسۋشىلار كوروناۆيرۋستىڭ تارالۋىنا قارسى كۇرەستە رادياتسيالىق, حيميالىق جانە بيولوگيالىق قورعاۋ اسكەرلەرىن قولدانۋ تاجىريبەسىن تالقىلادى.
تاراپتار تمد-عا قاتىسۋشى مەملەكەتتەر قورعانىس مينيسترلەرى كەڭەسىنىڭ الداعى جىلعا ارنالعان جۇمىس جوسپارىن جانە كەزەكتى وتىرىستىڭ الدىن الا كۇن ءتارتىبىن تالقىلادى.