12 قاراشادا تاۋەلسىز مەملەكەتتەر دوستاستىعى ۇكىمەت باسشىلارى كەڭەسىنىڭ وتىرىسى بەينەكونفەرەنتسيا بايلانىسى فورماتىندا وتەدى, دەپ حابارلايدى Egemen.kz تمد اتقارۋشى كوميتەتىنىڭ ءباسپاسوز قىزمەتىنە سىلتەمە جاساپ.
ۇكىمەت باسشىلارى تمد-داعى ەكونوميكالىق ءوزارا ءىس-قيمىلدىڭ وزەكتى ماسەلەلەرى بويىنشا پىكىر الماسىپ, ۋران ءوندىرۋشى وندىرىستەردىڭ اسەرىنە ۇشىراعان اۋماقتاردى قالپىنا كەلتىرۋگە, تەمىرجول كولىگىن دامىتۋعا قاتىستى تاقىرىپتاردى تالقىلايدى.
بۇدان باسقا, تمد ۇكىمەت باسشىلارى كەڭەسى جانىنداعى جاۋىنگەر-ينتەرناتسيوناليستەر ىستەرى جونىندەگى كوميتەتتىڭ توراعاسى تۋرالى شەشىم قابىلداۋ, ۇبك-ءنىڭ كەلەسى وتىرىسىنىڭ وتەتىن كۇنى مەن ورنىن ايقىنداۋ جوسپارلانۋدا.
سونداي-اق, وتىرىستا 2022 جىلى تاۋەلسىز مەملەكەتتەر دوستاستىعىندا حالىق شىعارماشىلىعى مەن مادەني مۇرا جىلىن وتكىزۋ جونىندەگى ءىس-شارالار جوسپارىنىڭ جوباسى بەكىتىلەدى دەپ كۇتىلۋدە.