11 قاراشادا ەلىمىزدىڭ 6 وبلىسىندا اۋا رايى كۇرت قۇبىلادى, قار جاۋىپ, كوكتايعاق بولادى, جەل كۇشەيىپ, جاياۋ بوراسىن سوعادى, دەپ حابارلايدى Egemen.kz قازگيدرومەتكە سىلتەمە جاساپ.
11 قاراشادا كۇندىز قىزىلوردا وبلىسىنىڭ سولتۇستىك-باتىسىندا جەل وڭتۇستىكتەن, وڭتۇستىك-باتىستان سوعادى, جىلدامدىعى 15-20 م/س جەتەدى.
11 قاراشادا قاراعاندى وبلىسىنىڭ وڭتۇستىك-شىعىسىندا تۇمان ءتۇسۋى ىقتيمال.
11 قاراشادا تۇندە تۇركىستان وبلىسىنىڭ وڭتۇستىك جانە تاۋلى اۋداندارىندا تۇمان ءتۇسۋى مۇمكىن.
11 قاراشادا اقمولا وبلىسىنىڭ سولتۇستىك-باتىسىندا, شىعىسىندا كوكتايعاق بولادى. كۇندىز وبلىستىڭ باتىسىندا جاياۋ بۇرقاسىن سوعۋى ىقتيمال. وڭتۇستىك-باتىستان جەل سوعادى, تۇندە وبلىستىڭ وڭتۇستىك-شىعىسىندا, كۇندىز سولتۇستىك-باتىسىندا 15-20 م/س كۇشەيەدى. كوكشەتاۋدا ەرتەڭ كوكتايعاق بولۋى مۇمكىن.
11 قاراشا باتىس قازاقستان وبلىسىنىڭ سولتۇستىگىندە تۇمان تۇسەدى, تۇندە وبلىستىڭ شىعىسىندا كوكتايعاق بولۋى مۇمكىن. جەل سولتۇستىكتەن وڭتۇستىك-باتىسقا اۋىسادى, تۇندە وبلىستىڭ شىعىسىندا ەكپىنى 15-20 م/س جەتەدى. ورالدا ەرتەڭ تاڭەرتەڭ جانە تۇندە تۇمان تۇسەدى.
11 قاراشادا تۇندە اقتوبە وبلىسىنىڭ وڭتۇستىك-باتىسىندا جانە ورتالىعىندا جاڭبىر, قالىڭ قار جاۋادى. وبلىستىڭ سولتۇستىگىندە جانە شىعىسىندا كوكتايعاق بولادى, جاياۋ بۇرقاسىن سوعۋى ىقتيمال. سولتۇستىك-باتىستان, سولتۇستىكتەن جەل سوعادى, كۇندىز وبلىستىڭ شىعىسىندا ەكپىنى 15-20 م/س جەتەدى. اقتوبە قالاسىندا ەرتەڭ كوكتايعاق بولادى.