قر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا قوعامدىق ورىنداردا مەديتسينالىق بەتپەردە كيۋ ماسەلەسىن قوزعادى, دەپ حابارلايدى Egemen.kz.
«ماسكا كيۋ مىندەتتى بولىپ تابىلادى. ۆاكتسينا سالدىرعان ادامدار دا اۋرۋى مۇمكىن ەكەنى بەلگىلى. دەگەنمەن, ۆاكتسيناتسيالانعان ازاماتتار ءالى دە ينفەكتسياعا بەيىم ەمەس جانە اۋرۋعا وڭاي توزەدى. سوندىقتان بۇگىندە الەم بويىنشا ەشكىم ماسكا تاعۋ رەجيمىن الىپ تاستاعان جوق», دەپ حابارلادى ەسماعامبەتوۆا.
ونىڭ ايتۋىنشا, الەمدە ەشكىم قورعانىس ماسكالارىنان باس تارتۋعا بولاتىن ناقتى كۇندى ايتا المايدى.
«ەندى ەشكىم سىزگە ناقتى كۇندى ايتپايدى, بۇل كوپ فاكتورلى ارەكەتتەردىڭ ناتيجەسى. ءبىز نەعۇرلىم باياۋ ۆاكتسيناتسيالاساق, ۆيرۋستىڭ تارالۋى سوعۇرلىم كوپ بولادى جانە مۋتاتسيا مۇمكىندىگى دە جوعارى بولادى. ال ۆيرۋستىڭ مۋتاتسياسىن بۇگىندە بولجاۋ مۇمكىن ەمەس. ددسۇ ۆيرۋستى قاۋىپتى مۋتاتسيالارعا بولەدى, ولاردى باقىلاۋ قاجەت», دەپ ءتۇسىندىردى ۆەدومستۆو باسشىسى.
ونىڭ ايتۋىنشا, ددسۇ ۇجىمدىق يممۋنيتەت دەڭگەيى بويىنشا كورسەتكىشتەردى قايتا قارادى, ونى قالىپتاستىرۋ ءۇشىن حالىقتىڭ 60%-ىن ەمەس, 80%-ىن ۆاكتسيناتسيالاۋ قاجەت. سوندا عانا ادامدار قالىپتى ومىرگە ورالا الادى.
ء«بىز ءبارىمىز ماسكالاردان شارشادىق, بىراق, بۇل كوروناۆيرۋستان قورعانۋ شارالارىنىڭ ءبىرى», دەپ تۇيىندەدى ەسماعامبەتوۆا.