تاتارستاننىڭ قازان قالاسىندا ۇستەل تەننيسىنەن رەسەيدىڭ اشىق كوماندالىق چەمپيوناتىنىڭ ءبىرىنشى تۋرى اياقتالدى.
قازاقستاننىڭ تتس «استانا» كلۋبى وسى جارىستا وتە كەرەمەت ونەر كورسەتتى. قۇرامىندا سارۆينوز ميرقادىروۆا, زاۋرەش اقاشەۆا, انەل باقىت جانە انگەلينا رومانوۆسكايا سىندى شەبەرلەرى بار جەرلەستەرىمىز سەگىز كەزدەسۋدىڭ جەتۋىندە جەڭىسكە جەتىپ, ءبىرىنشى ورىندى ولجالادى. ەكىنشى جانە ءۇشىنشى ساتىعا قازاننىڭ «كازانوچكا» جانە وزبەكستاننىڭ «حۆان مان-گىم» كلۋبى جايعاستى.
ەرلەر سايىسىندا ەلىمىزدىڭ ەكى كومانداسى باق سىنادى. TT Club Karaganda ۇجىمى بەس باسەكەنىڭ تورتەۋىندە باسىمدىق تانىتىپ, ەكىنشى ورىندى يەلەندى. كەنشىلەر قالاسى كومانداسىنىڭ نامىسىن الان قۇرمانعاليەۆ, ۆلاديسلاۆ زاحاروۆ جانە ەريك رايتەر قورعادى. بۇل ءتۋرنيردىڭ باس جۇلدەسى بارناۋلدىڭ «التايىنا» بۇيىردى. ال TTC «Astana» كلۋبى التىنشى ساتىعا تابان تىرەدى. ولار ءۇش ويىندا جەڭىسكە جەتە الدى.