نۇر-سۇلتان قالاسىنداعى حالىقارالىق مەكتەپتىڭ وقۋشىسى داريا پەتينا مالدىڭ جاپپاي قىرىلۋ پروبلەماسىنا بايلانىستى ءوز شەشىمىن ۇسىندى. وقۋشى حلورەللا بالدىرلارىنان قۇرعاق جەمشوپ قوسپاسىن دايىندادى.
– ەلىمىزدىڭ اريدتىك ايماقتارىندا قالىپتان تىس ىستىق اۋا رايى مەن جاۋىن-شاشىننىڭ از بولۋى سەبەپتى قۋاڭشىلىق ورناپ, مالعا قاجەتتى ازىقتىڭ بولماۋى كەزدەسەدى. قۋاڭشىلىق, جەمشوپتىڭ جوعارى باعاسى – بۇل ايماقتاردا مالدىڭ ازايۋىنا, جەكە تابىستىڭ جوعالۋىنا قاۋىپ توندىرەدى. ازىق-ت ۇلىك راتسيونىندا كونسەرۆىلەنگەن, ۇنتاقتى حلورەللانى قولدانۋ مال سانىنىڭ قىرىلۋىنا جول بەرمەيدى, – دەيدى اۆتور.
حلورەللا – ءتىرى ورگانيزمدەردىڭ تولىق وسۋىنە قاجەتتى فولي قىشقىلى, كالتسي, فوسفور, كوبالت, ماگني, مىرىش سياقتى ورگانيكالىق جانە بەيورگانيكالىق زاتتاردىڭ كەڭ سپەكترىنە يە بالدىرلار وكىلى.
NIS وقۋشىلارى اراسىندا وتكەن عىلىمي جوبالاردىڭ جەلىلىك بايقاۋىندا داريا حلورەللانى ءوسىرۋدىڭ نەعۇرلىم ءتيىمدى ءادىسىن انىقتاۋ ماقساتىنداعى جۇمىسىن ۇسىندى. ول ءۇشىن وقۋشى حلورەللانى ءتورت بولەك بەس ليترلىك ىدىستا ءتۇرلى جاعدايدا ءوسىرىپ كورگەن.
– حلورەللا ءوسىرۋدىڭ ەڭ جىلدام جانە ءتيىمدى ءادىسىن تابۋ جانە ونى ازىققا قولدانۋ – وزەكتى ماسەلە. حلورەللا سۋسپەنزياسى ءارى جوعارى كالوريالى ازىق قوسپاسى, ءارى قولجەتىمدى. كەز كەلگەن فەرمەر حلورەللانى سالىستىرمالى تۇردە تومەن باعامەن ءوسىرىپ, ونى تىڭايتقىش رەتىندە قولدانا الادى, دەيدى جاس عالىم.
ايتا كەتەيىك, 2021 جىلدىڭ كوكتەم-جاز ماۋسىمى ماڭعىستاۋ جانە قىزىلوردا وبلىستارىنىڭ شارۋالارى ءۇشىن وڭاي تيگەن جوق: كوكتەمگى جاۋىن-شاشىننىڭ ازدىعى مەن ازىق تاپشىلىعىنان وڭىرلەردەگى مال شارۋاشىلىعى سالاسى زارداپ شەكتى. بۇدان بولەك, ەلدىڭ شىعىس, باتىس جانە سولتۇستىك بولىكتەرىندە مالدىڭ جاپپاي قىرىلۋىنىڭ جەكەلەگەن جاعدايلارى تىركەلگەن بولاتىن, دەپ حابارلادى نۇر-سۇلتان حالىقارالىق مەكتەبىنىڭ ءباسپاسوز حاتشىسى قۇرالاي يساەۆا.