اشتىققا ۇشىراعان سااكاشۆيليدى تبيليسيدەگى №18 ايىپتالۋشىلار مەن سوتتالعاندارعا ارنالعان مەديتسينالىق مەكەمەگە تىكۇشاقپەن الىپ كەلدى, دەپ حابارلايدى Egemen.kz.
Facebook-تە جاريالانعان ەلدىڭ پەنيتەنتسيارلىق قىزمەتىنىڭ حابارلاۋىنشا, سااكاشۆيليدى اۋرۋحاناعا جاتقىزۋ تۋرالى شەشىم ونىڭ دەنساۋلىعىنىڭ ناشارلاۋىنا جول بەرمەۋ ماقساتىندا قابىلداندى.
«قاۋىپكە بايلانىستى تۇتقىن ميحايل سااكاشۆيلي 12-ءشى تۇزەۋ مەكەمەسىنەن №18 ايىپتالۋشىلار مەن سوتتالعاندارعا ارنالعان مەديتسينالىق مەكەمەگە اۋىستىرىلدى. قوسىمشا اقپاراتتى حالىققا حابارلايمىز», دەلىنگەن پەنيتەنتسيارلىق قىزمەتتىڭ حابارلاماسىندا.
بۇعان دەيىن سااكاشۆيلي تۇرمەدەن كەزەكتى جولداۋىندا ءوز جاقتاستارىن سەنبىگە جوسپارلانعان تبيليسيدەگى نارازىلىق اكتسياسىنا شاقىردى جانە ۇزاق ۋاقىت اشتىق جاريالاعانىنا قاراماستان, ول تۋرالى «جاۋلارىنا قاساقانا ولمەيدى» دەلىنگەن ەدى.دۇيسەنبى, 8 قاراشادا 3 مىڭعا جۋىق گرۋزين دەمونسترانتتارى تبيليسي ورتالىعىندا بۇرىنعى پرەزيدەنت ميحايل سااكاشۆيليگە قارسى ميتينگ وتكىزدى. گرۋزيانىڭ مەملەكەتتىك قاۋىپسىزدىك قىزمەتى نارازىلىقتار سااكاشۆيلي ازىرلەگەن جانە باسقاراتىن جوسپارلانعان توڭكەرىستىڭ بولىگى بولدى دەپ مالىمدەدى.