ەكولوگيا ءمينيسترى ەقىۇ باعدارلامالار ءوفيسى باسشىسىمەن كەزدەستى

«بۇگىن ەقىۇ باعدارلامالار ءوفيسىنىڭ باسشىسى دوكتور فولكەر فروبارتپەن كەزدەستىم», دەپ جازدى مينيستر س.برەكەشەۆ تۆيتتەردە.

كەزدەسۋ بارىسىندا تاراپتار سۋ رەسۋرستارىن باسقارۋ, ەكوتۋريزمدى دامىتۋ جانە براكونەرلىكپەن كۇرەس سالاسىنداعى ىنتىماقتاستىق ماسەلەلەرىن تالقىلادى.

مينيستر ەقىۇ باعدارلامالار وفيسىنە بىرىڭعاي ەكولوگيالىق پورتالدى ازىرلەۋگە كورسەتكەن قولداۋى ءۇشىن العىس ايتىپ, پورتال حالىقتىڭ قورشاعان ورتا تۋرالى حاباردار بولۋ پروتسەسىن جەڭىلدەتەتىنىن اتاپ ءوتتى.

سونداي-اق تاراپتار سۋ كودەكسىن, ۇلتتىق ساياباقتاردا ەكوتۋريزمدى دامىتۋ تۇجىرىمداماسى مەن ستاندارتتارىن بىرلەسىپ ازىرلەۋ بولىگىندە الداعى جىلعا ىنتىماقتاستىق جوسپارلارىمەن الماستى.

ء«بىز جوعارىدا اتالعان بارلىق ماسەلەلەر بويىنشا ىنتىماقتاستىققا دايىنبىز جانە اشىقپىز. بيىلعى جىلدىڭ سوڭىنا دەيىن ءبىز ەكوتۋريزم مەن سۋ شارۋاشىلىعىن دامىتۋ بويىنشا ۇسىنىستار دايىندايمىز», دەدى سەرىكقالي برەكەشەۆ.

مينيستر, سونداي-اق ەقىۇ باعدارلامالار وفيسىن وزەن ەكوجۇيەسىن قالپىنا كەلتىرۋ بويىنشا ىنتىماقتاستىق باعدارلاماسى اياسىندا جايىق وزەنىنىڭ (جايىق) ەكولوگيالىق ماسەلەلەرىن زەرتتەۋگە, رەسەيلىك سەرىكتەستەرمەن بايلانىستا بەلسەندى قاتىسۋعا شاقىردى.

ءوز كەزەگىندە ەقىۇ باعدارلامالار ءوفيسىنىڭ باسشىسى دوكتور فولكەر فروبارت جوعارىدا اتالعان باعىتتاردى جانە تۇراقتى نىعايۋ ديناميكاسىن دامىتۋ جانە ءوزارا ءىس-قيمىلدىڭ جاڭا مۇمكىندىكتەرىن ىزدەۋ بويىنشا ىنتىماقتاستىقتاعى بىرلەسكەن كۇش-جىگەردىڭ ماڭىزدىلىعىن اتاپ ءوتتى.