«التاي» انكاراعا اتتانادى

وسىدان ءبىر اي بۇرىن وسكەمەننىڭ «ال­تايى» تايلاندتىڭ ناكحونراتچاسيم قالاسىندا وتكەن ازيا بىرىنشىلىگىندە قارسىلاس شاق كەلتىرمەي, التىننان القا تاققان بولاتىن. وسى جارقىن جەڭىسىنىڭ ارقاسىندا كەندى التايدىڭ ارۋلارى جەر-جاھانداعى ەڭ ۇزدىك كوماندالار باس قوساتىن باسەكەدە باق سىناۋ قۇرمەتىنە يە بولدى. جەرلەستەرىمىزدەن بولەك, بۇل جارىستا يتاليانىڭ «يموكو ۆوللەي» (ەۋروپا چەمپيوندارى ليگاسىنىڭ جەڭىمپازى), تۇركيانىڭ «ۆاكىفبانكى» (ەۋروپا چەمپيوندارى ليگاسىنىڭ كۇمىس جۇلدەگەرى) مەن «فەنەرباحچە» (جارىستى ۇيىمداستىرۋشىلار) جانە برازيليانىڭ «ميناسى» (2020 جىلعى لاتىن امەريكاسى كلۋبتىق چەمپيوناتىنىڭ جەڭىمپازى) مەن «دەنتيل-پرايا» (2021 جىلعى لاتىن امەريكاسى كلۋبتىق چەمپيوناتىنىڭ جەڭىم­پازى) كلۋبتارى ونەر كورسەتەدى.

ەستەرىڭىزگە سالا كەتەيىك, ايتۋلى دودا وسىدان ەكى جىل بۇرىن قىتايدىڭ شاوسين قالاسىندا ۇيىمداستىرىلعان ەدى. سول جا­رىستا يتاليانىڭ «يموكو ۆوللەيى» توپ جار­­دى. فينالدا ولار تۇركيانىڭ «ەدجزاد­جيبا­شيىن» 3:1 (22:25, 25:14, 25:19, 25:21) ەسەبىمەن ۇتتى.