ەلورداداعى ەپيدەميولوگيالىق احۋالدىڭ تۇراقتىلىعىن ساقتاۋ جانە كوروناۆيرۋستىڭ ودان ءارى تارالۋىنىڭ الدىن الۋ ءۇشىن 8 قاراشادان باستاپ ساۋدا ويىن-ساۋىق ورتالىقتارىنا ەندى جۇمىس كۇندەرى دە «جاسىل» مارتەبەسى بار ازاماتتار عانا بارا الادى, دەپ حابارلايدى Egemen.kz قالالىق اكىمدىكتىڭ رەسمي سايتىنا سىلتەمە جاساپ.
اكىمدىك مالىمەتىنشە, تالداۋ ناتيجەسى بويىنشا, ءۇي كارانتينىن بۇزۋشىلاردىڭ ەڭ كوپ سانى ءدال وسى ساۋدا ويىن-ساۋىق ورتالىقتارىندا تىركەلگەن. ساۋدا ويىن-ساۋىق ورتالىقتارى ادامدار كوپ جينالاتىن جانە ۇزاق ۋاقىت بولاتىن ورىن ەكەنىن ەسكەرە وتىرىپ, كوروناۆيرۋس ينفەكتسياسىنىڭ تارالۋ قاۋپى ارتادى.
سونىمەن قاتار, كورشى رەسەيدەگى جانە ەلىمىزدىڭ سولتۇستىك ايماقتارىنداعى ەپيدەميولوگيالىق جاعدايعا بايلانىستى, سونداي-اق قالاداعى تۇراقتى ەپيدەميولوگيالىق جاعدايدى ساقتاۋ جانە COVID-19 ۆيرۋسىنىڭ ودان ءارى تارالۋىنىڭ الدىن الۋ ءۇشىن سوو-عا بارۋ شارتتارىن وزگەرتۋ بولىگىندە شەكتەۋ ءىس-شارالارىن كۇشەيتۋ تۋرالى ماسەلە قارالىپ جاتىر.
بيىل 8 قاراشادان باستاپ قىزمەتكەرلەر مەن كەلۋشىلەردىڭ قاۋىپسىز «جاسىل» مارتەبەسى بولعان جاعدايدا, ياعني ۆاكتسيناتسيا, تەرىس ناتيجەسى بار پتر تەستى بولعان كەزدە, سىنامالار الىنعان ساتتەن باستاپ 7 تاۋلىكتەن اسىرماي جانە تۇراقتى مەديتسينالىق قارسى كورسەتىلىمدەرى بار, سوڭعى 3 اي ىشىندە اۋىرىپ جازىلعان ادامدار ءۇشىن جۇمىس كۇندەرى جانە دەمالىس كۇندەرى سوو-عا كىرۋ قولجەتىمدى بولادى.