بۇگىن «ازاماتتىق قوعامدى دامىتۋداعى ديالوگ الاڭدارىنىڭ ءرولى: حالىقارالىق تاجىريبە» جوباسىن ىسكە اسىرۋ شەڭبەرىندە قىزمەتتەرى ادام قۇقىقتارىن قورعاۋعا باعىتتالعان قر اقدم, قر باس پروكۋراتۋراسى, قر ءام, قر ءىىم, ادام قۇقىقتارى جونىندەگى ۇلتتىق ورتالىق جانە ۇەۇ وكىلدەرىنىڭ كەزدەسۋى ءوتتى, دەپ حابارلايدى Egemen.kz.
ء«بىز وسى سالاداعى جاعدايدى جاقسارتۋ ءۇشىن ۇكىمەتتىك ەمەس سەكتوردىڭ قۇقىق قورعاۋشىلار قىزمەتىنىڭ قاۋىپسىزدىگىن قامتاماسىز ەتۋ جونىندەگى ۇسىنىستارىن تىڭداۋعا جينالىپ وتىرمىز. بۇگىندە قازاقستاندا 22 مىڭنان استام ۇەۇ تىركەلگەن, ونىڭ ىشىندە 632-ءى وزدەرىنىڭ جارعىسىنا سايكەس قۇقىق قورعاۋ قىزمەتىن جۇزەگە اسىرادى.
قۇقىق قورعاۋشىلار – ەلىمىزدە بەيبىت جانە ءادىل قوعام ءۇشىن جۇمىس ىستەيتىن ادامدار. ولاردىڭ قىزمەتى قۇقىقتىق قورعاۋدى قاجەت ەتەدى», دەدى ازاماتتىق قوعام ىستەرى كوميتەتىنىڭ توراعاسى ماديار قوجاحمەت.
سونداي-اق كەلىپ تۇسكەن بارلىق ۇسىنىمدار مەن ۇسىنىستار پرەزيدەنت اكىمشىلىگىنە ەنگىزىلەتىنىن اتاپ ءوتتى.
ۇەۇ زاڭناماعا, سونىڭ ىشىندە حالىقارالىق قۇجاتتارعا وزگەرىستەر ەنگىزۋ بويىنشا ۇسىنىستار ەنگىزدى. اتاپ ايتقاندا, ۇەۇ قۇقىق قورعاۋشىلاردىڭ مارتەبەسىن زاڭنامالىق انىقتاۋ ماسەلەسىن كوتەردى.
«ازاماتتىق قوعامدى دامىتۋداعى ديالوگ الاڭدارىنىڭ ءرولى: حالىقارالىق تاجىريبە» جوباسى قر اقپارات جانە قوعامدىق دامۋ مينيسترلىگىنىڭ تاپسىرىسى بويىنشا قازاقستاننىڭ ازاماتتىق اليانسى ازاماتتىق باستامالاردى قولداۋ ورتالىعىنىڭ قولداۋىمەن ىسكە اسىرىلۋدا.