قازاقستاننىڭ بىرنەشە وبلىسىندا اۋا رايىنا بايلانىستى ەسكەرتۋ جاريالاندى

قازگيدرومەت بولجامىنا قاراعاندا, 5-6 قاراشادا تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىك-باتىسىندا تۇمان تۇسەدى. وڭتۇستىك-باتىستان, باتىستان جەل سوعادى. 5 قاراشا كۇنى تۇندە وبلىستىڭ وڭتۇستىك-شىعىسىندا, كۇندىز تاۋلىك بويى, 6 قاراشا كۇنى ءوڭىردىڭ باسىم بولىگىندە جەلدىڭ كۇشى سەكۋندىنا 15-20 مەترگە جەتەدى. پەتروپاۆلدا 5 قاراشا كۇنى تاۋلىك بويى, 6 قاراشادا وڭتۇستىك-باتىستان, باتىستان جەل سوعادى, كۇشى سەكۋندىنا 15-20 مەترگە جەتەدى.

5 قاراشا كۇنى باتىس قازاقستان وبلىسىندا جەل وڭتۇستىك-شىعىستان, وڭتۇستىكتەن سوعادى, كۇندىز وبلىستىڭ وڭتۇستىگىندە جەلدىڭ ەكپىنى 15-20 م/س-قا جەتەدى.

قىزىلوردا وبلىسىنىڭ ورتالىعىندا شاڭدى داۋىل تۇرادى. جەل سولتۇستىك-شىعىستان سوعادى, وبلىستىڭ ورتالىعىندا جانە وڭتۇستىگىندە جىلدامدىعى سەكۋندىنا 15-20 مەترگە جەتەدى. قىزىلوردادا 5 قاراشا كۇنى جەل سولتۇستىك-شىعىستان سوعادى, كۇندىز ەكپىنى 15-20 م/س بولادى.

5-6 قاراشادا تۇركىستان وبلىسىنىڭ سولتۇستىگىندە شاڭدى داۋىل تۇرادى. شىعىستان جەل سوعادى, وبلىستىڭ سولتۇستىگىندە, باتىسىندا, تاۋ جانە تاۋ بوكتەرلى اۋداندارىندا جەلدىڭ كۇشى سەكۋندىنا 15-20 مەترگە, 5 قاراشادا تاۋلى اۋدانداردا ەكپىنى 23-28 م/س بولادى.

شىمكەنتتە 5 قاراشادا شىعىستان ەكپىنى 15-20 م/س جەل سوعادى. تۇركىستاندا 5 قاراشادا شىعىستان جەل سوعىپ, ەكپىنى سەكۋندىنا 15-20 مەترگە جەتەدى.

كۇندىز 5 قاراشا كۇنى اقمولا وبلىسىنىڭ سولتۇستىگىندە باتىستان, وڭتۇستىك-باتىستان جەل سوعادى, ەكپىنى 15 م/س بولادى. كوكشەتاۋدا 5 قاراشادا كۇندىز باتىستان, وڭتۇستىك-باتىستان جەل سوعىپ, ەكپىنى 15 م/س-قا جەتەدى.