«كوك» مارتەبەسى بار قازاقستاندىقتارعا تەك دەمالىس كۇندەرى عانا ەمەس, جۇمىس كۇندەرى دە سوو-عا بارۋعا تىيىم سالىنۋى مۇمكىن. بۇل تۋرالى الماتى قالاسى كاسىپكەرلەر پالاتاسى ديرەكتورىنىڭ ورىنباسارى سالتانات لەسباەۆا مالىمدەدى, دەپ حابارلايدى Egemen.kz.
«بۇگىنگى تاڭدا باس سانيتارلىق دارىگەردىڭ قاۋلىسى بويىنشا «جاسىل» مارتەبەسى بار تۇلعالارعا بارۋ رۇقسات ەتىلگەن. جاقىندا ۆاك وتىرىسىندا بۇل تاجىريبەنى جۇمىس كۇندەرى دە ساۋدا-ويىن ساۋىق ورتالىعىنىڭ جۇمىسىنا تاراتۋ ۇسىنىلدى. ياعني, بۇگىنگى تاڭدا ساۋدا ويىن-ساۋىق ورتالىقتارىنا تەك «جاسىل» مارتەبەسى بار تۇلعالار عانا بارا الۋى ءۇشىن وسى ماسەلە تالقىلانۋدا», دەدى ول.
ونىڭ ايتۋىنشا, «اتامەكەن» ۇكپ-دا وسى ماسەلەنى تالقىلاۋعا بەلسەنە قاتىسادى.
«سەبەبى سوو-دا كوپتەگەن كاسىپكەرلەر جۇمىس ىستەيدى, تەك ساۋدا سالاسىندا عانا ەمەس. بۇل وبەكتىلەردە اينالىمدارى, تابىستارى تومەندەۋى مۇمكىن باسقا دا قىزمەت تۇرلەرى (سوو كوپتەگەن وبەكتىلەرىندە قوعامدىق تاماقتانۋ, مەكتەپكە دەيىنگى ءبىلىم بەرۋ, ويىن-ساۋىق كونتەنتى وبەكتىلەرى) ورنالاسقان. سوندىقتان بۇل ماسەلە قازىر بەلسەندى تالقىلانىپ جاتىر», دەپ اتاپ ءوتتى ول.