ەلباسى ءداستۇرلى جولداۋىندا العاشقى مەديتسينالىق-سانيتارلىق كومەكتى كۇشەيتە وتىرىپ, ساپالى قىزمەت كورسەتۋدى تاپسىرعانى ءمالىم.
بۇل تۇرعىدا ناقتىلى اتقارىلىپ جاتقان جۇمىسقا توقتالساق, الماتى وبلىسىندا دەنساۋلىق سالاسىن دامىتۋعا بيىلعى جىلى 68,6 ملرد. تەڭگە قاراستىرىلىپتى.
«بۇگىن وبلىسىمىزداعى ەمدەۋ, ساۋىقتىرۋ مەكەمەلەرىنىڭ ماتەريالدىق-تەحنيكالىق بازاسىن نىعايتۋ ماقساتىندا 798 ملن. تەڭگەگە ساتىپ الىنعان 65 اۆتوكولىكتىڭ كىلتىن تاپسىرامىز. زاماناۋي كولىكتەر باستى بايلىعىمىز – حالىقتىڭ دەنساۋلىعىن جاقسارتۋعا, دەر كەزىندە ءدارىگەرلىك كومەك كورسەتۋگە سەپتىگىن تيگىزەتىنىنە سەنەمىن», دەدى الماتى وبلىسىنىڭ اكىمى اڭسار مۇساحانوۆ.
بۇل جولعى اۆتوكولىك كىلتىن تاپسىرۋدىڭ ءبىر ارتىقشىلىعى نارىنقول, قابانباي سەكىلدى شالعايداعى اۋىلدار اتتارى اتالىپ مەديتسينالىق قۇرالدارمەن تولىق جابدىقتالعان تەمىر تۇلپارلار كىلتى بەرىلدى.
نۇربول الدىباەۆ,
«ەگەمەن قازاقستان».
الماتى وبلىسى.