مەكتەپ وقۋشىلارى اراسىندا كوروناۆيرۋستىڭ تارالۋى كوبەيدى

ءداستۇرلى فورماتتا وقيتىن وقۋشىلار اراسىندا كوروناۆيرۋس اۋرۋىنىڭ 15 028 جاعدايى تىركەلدى, ونىڭ ىشىندە بايلانىستا بولعاندار اراسىندا – 1317 ناۋقاس.

«قازان ايىنىڭ سوڭعى ەكى اپتاسىندا وقۋشىلار اراسىندا اۋرۋ 1,3 ەسە ازايدى. سونىمەن قاتار, پاۆلودار, اقمولا, ماڭعىستاۋ, تۇركىستان وبلىستارىندا سىرقاتتانۋشىلىقتىڭ 1,4 ەسەگە دەيىن ءوسۋى بايقالادى», دەدى شورانوۆ ۇكىمەت وتىرىسىندا.

وشاقتاردا 159 مىڭ بايلانىس ورنى انىقتالدى, ولاردىڭ 0,8%-ىندا وڭ پتر-تەست انىقتالدى.

«جالپى, قازاقستاندا سوڭعى ەكى ايدا اۋرۋشاڭدىق 2,8 ەسەگە, ال ءولىم-ءجىتىم 4,1 ەسەگە تومەندەدى», دەپ اتاپ ءوتتى ءبىرىنشى ۆيتسە-مينيستر.

سونداي-اق, 1 تامىزدان باستاپ ينفەكتسيالىق توسەكتەردىڭ جۇمىسپەن قامتىلۋ دەڭگەيى 56-دان 33%-عا دەيىن, رەانيماتسيالىق توسەكتەردىڭ 45-تەن 27%-عا دەيىن تومەندەگەنى بايقالادى. رەزەرۆتە 30 مىڭنان استام توسەك-ورىن بار.