ىشكى ىستەر ءمينيسترى ەرلان تۇرعىمباەۆ قازاقستاندا ءتورت جاڭا كولونيا سالۋدى جوسپارلاپ وتىرعانىن ايتتى, دەپ جازادى Egemen.kz.
ء«بىز مەملەكەتتىك-جەكەمەنشىك ارىپتەستىك اياسىندا جاڭا كولونيالار سالۋ بويىنشا ۇلكەن جوبا دايىنداپ جاتىرمىز. ءۇش جىل ىشىندە ءبىز ءۇش وبلىستا ءبىر جارىم مىڭ ورىندىق جاڭا تيپتەگى ءتورت كولونيا سالۋدى جوسپارلاپ وتىرمىز», دەدى مينيستر ماجىلىستەگى جۋرناليستەردىڭ سۇراقتارىنا جاۋاپ بەرە وتىرىپ.
ونىڭ ايتۋىنشا, جاڭا كولونيالاردا جۇرتشىلىق پەن حالىقارالىق ۇيىمدار تالاپ ەتەتىن بارلىق نورمالار ساقتالاتىن بولادى.
بۇعان دەيىن مينيستر قازاقستاندا 64 مەكەمە مەن 16 تەرگەۋ يزولياتورىندا 34 مىڭنان استام ادام قاماۋدا وتىرعانىن, ونىڭ ىشىندە 30 مىڭ سوتتالۋشىعا ۇكىم شىعارىلعانىن, 4 مىڭى قاماۋعا الىنىپ, تەرگەۋ ءجۇرىپ جاتقانىن ايتقان. ونىڭ 93 پايىزى اۋىر جانە اسا اۋىر قىلمىس جاساعان, 45 پايىزعا جۋىعى بۇرىن قىلمىستىق جاۋاپكەرشىلىككە تارتىلعان.