ءبىلىم جانە عىلىم ءمينيسترى اسحات ايماعامبەتوۆ ەلىمىزدە وقىتۋشىلاردى جاتاقحانادا كەزەكشىلىككە جەگىپ قوياتىن وقۋ ورنى باسشىلارىن سىنعا الدى, دەپ حابارلايدى Egemen.kz.
ء«بىز مونيتورينگ جۇرگىزدىك. بايقاعانىمىزداي, ءالى دە بولسا كەيبىر جوعارى وقۋ ورىندارىندا وقىتۋشىلاردى جاتاقحانادا كەزەكشى ەتىپ قويۋ تىيىلماعان. جۇكتى وقىتۋشىلاردىڭ موينىنا ارتا سالعان. وقىتۋشىلار نەگىزگى جۇمىسىنان بولەك, كەزەكشىلىك مىندەتىن اتقارادى. ەگەر جاتاقحانادا قانداي دا ءبىر شارا ءوتىپ, وعان وقىتۋشىلار تارتىلسا ءجونى بولەك. جاتاقحاناداعى كەزەكشىلىكتى ۇستازدارعا جۇكتەۋ دۇرىس ەمەس. بۇل وتكەن ۋاقىتتىڭ ءادىسى جانە ول ءتيىمسىز. ەگەر جاتاقحاناداعى ستۋدەنتتەردىڭ قاۋىپسىزدىگىن ويلاساڭىزدار, شتاتتان ارنايى ورىن ءبولىپ, بولەك قىزمەتكەر الىڭىزدار. ءسويتىپ جۇمىستى جۇيەلى اتقارىڭىزدار», دەدى اسحات ايماعامبەتوۆ مينيسترلىكتە وتكەن اپپارات كەڭەسىنىڭ جيىنىندا.
سونداي-اق, مينيستر ستۋدەنتتەردىڭ ءوزىن-ءوزى باسقارۋ قىزمەتىنە قاتىستى پىكىر ءبىلدىردى.
«كەيبىرەۋلەر ايتىپ جاتىر, ءوزىن-ءوزى باسقارۋدىڭ جوو-نا قاتىسى قانشا دەپ. ۋنيۆەرسيتەتتىڭ ۇزدىك ءبىلىم بەرۋى عانا ەمەس ونىڭ جۇمىسىنىڭ ىلگەرىلەۋىنە ستۋدەنتتەردىڭ تىكەلەي قاتىسى بار. وسى ورايدا ولارمەن بىرلەسىپ جۇمىس ىستەپ, ستۋدەنتتەردىڭ ۇنىنە قۇلاق اسىپ, مۇمكىندىك بەرۋ كەرەك. ءوزىن-ءوزى باسقارۋ ستۋدەنتتەردىڭ ۇيىمداستىرۋشىلىق قابىلەتىن ارتتىرىپ, قوعامدىق شارالارعا بەلسەنە ارالاسۋىنا سەپتىگىن تيگىزەدى.
وسىعان وراي ەلىمىزدىڭ ءار جوعارى وقۋ ورنى بويىنشا ستۋدەنتتەردىڭ ءوزىن-ءوزى باسقارۋ قىزمەتىنە تالداۋ جۇرگىزۋدى تاپسىرامىن. جانە جالپىلاما كەرەك ەمەس, ءار ۋنيۆەرسيتەت پەن كوللەدجدىڭ جۇمىسىنا جەكە-جەكە تالداۋ جاسالسىن», دەيدى ول.
بۇعان دەيىن اسحات ايماعامبەتوۆ ەلىمىزدە مەكتەپ وقۋشىلارىنىڭ قاۋىپسىزدىگىن قامتۋ ماسەلەسىنىڭ تولىق شەشىمىن تاپپاعانىن العا تارتتى.