قازاقستاننان وندىرىلەتىن مەتالدار قاي ەلدەرگە ەكسپورتتالادى

بۇل كورسەتكىش الدىڭعى جىلمەن سالىستىرعاندا 13,6%-عا ارتىق. بيىل قازبا بايلىق ساتۋدان تۇسكەن تابىس – 1,1 ملرد دوللار. بۇل وتكەن جىلمەن سالىستىرعاندا ەكى ەسە ارتىق. ايتا كەتەرلىگى, پاندەميادان كەيىن الەم بويىنشا ءوندىرىس ورىندارىندا مەتالعا سۇرانىس كۇرت ارتتى.

قازاقستاننىڭ مەتالىن ەڭ كوپ ساتىپ العان مەملەكەت – رەسەي, 721,6 ميلليون دوللارعا 5,5 ميلليون توننا مەتالل ساتىپ العان. ەكىنشى ورىندا قىتاي تۇر. ىرگەمىزدەگى كورشى ەل بيىل 3,7 ميلليون توننا كەندى 402 ميلليون دوللارعا ساتىپ الدى. سونىمەن قاتار, قىرعىزستان قۇنى 1,1 ملن دوللار بولاتىن 31 مىڭ تونناعا مەتالل ساتىپ العان.

ونىڭ ىشىندە مارگانەتس كەنىنىڭ ەكسپورتى 5,4 ملن دوللارعا 69,9 مىڭ توننانى قۇرادى. قىتايعا 2,5 ملن دوللارعا 40 مىڭ توننا مارگانەتس, رەسەيگە 816 مىڭ دوللارعا 21,9 مىڭ توننا, وزبەكستانعا 2 ملن دوللارعا 7,9 مىڭ توننا ساتىلعان.

مىرىش رەسەيگە 75 مىڭ توننا, قىتايعا 35,2 مىڭ توننا جىبەرىلگەن.

قازاقاستاننىڭ حروم كەنىن ساتۋدان تۇسكەن تابىس – 45,2 ملن دوللار. ونى تولىقتاي رەسەي ساتىپ الىپ وتىر.