قازاقستاندا وتكەن قازان ايىندا ونىڭ الدىڭعى قىركۇيەك ايىمەن سالىستىرعاندا ازىق-ت ۇلىك تاۋارلارىنىڭ باعاسى – 0,7%, ازىق-ت ۇلىك ەمەس تاۋارلارىنىڭ باعاسى – 1%, اقىلى قىزمەتتەر قۇنى 0,5% قىمباتتادى, دەپ حابارلايدى Egemen.kz.
قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ مالىمەتىنە سايكەس, باعانىڭ ءوسۋى جۇمىرتقاعا – 7,2%, جاڭا جينالعان كوكونىستەرگە – 5,5%, قۇمشەكەر مەن قۇس ەتىنە – 1,4%, كارتوپقا – 1,2%, نانعا – 0,7%, پاستەرلەنگەن سۇتكە – 0,6%, ايرانعا, شوشقا ەتىنە, قاراقۇمىق جارماسىنا – 0,5%, شۇجىق, ماكارون ونىمدەرىنە جانە ۇنعا 0,4% تىركەلدى. ال جاڭا جينالعان جەمىستەر باعاسى كەرىسىنشە, 1,5% ارزانداعان.
باعانىڭ قىمباتتاۋى, سونداي-اق اۆتوموبيلدەرگە – 3,4%, تۇرمىستىق تاۋارلارعا – 1,1%, كيىم جانە اياق كيىمگە, فارماتسەۆتيكالىق ونىمدەرگە 0,4% بايقالدى. جازعى ديزەل وتىنى – 16,6%, باللونداعى سۇيىتىلعان گاز – 6,4%, اعاش – 2,6%, تاس كومىر – 2%, بەنزين 0,9% قىمباتتادى.
قوعامدىق تاماقتاندىرۋ جانە مونشا قىزمەتتەرىنىڭ قۇنى – 1%, دەنساۋلىق ساقتاۋ قىزمەتتەرى – 0,5%, شاشتارازدار مەن سۇلۋلىق سالوندارى قىزمەتتەرى 0,4% ارتقان. تۇرعىن ءۇيدى جالعا بەرۋ ءۇشىن تولەم 1,1% ءوستى. قالاارالىق اۆتوبۋسپەن جول ءجۇرۋ – 0,8%, تاكسيمەن جول ءجۇرۋ 0,6% قىمباتتادى. اۆيابيلەتتەر كەرىسىنشە, 2,4% ارزاندادى.
تۇرعىن ءۇي-كوممۋنالدىق قىزمەتتەر سالاسىندا تاريفتەر ەلەكتر ەنەرگياسىنا – 1,1%, ىستىق سۋعا – 0,2% ءوستى, ال ورتالىقتان جىلىتۋ 0,4% تومەندەدى.