تۇركىستان وبلىسىندا «ينديگو 24»-«Evolution Corpوration» قارجى پيراميداسىنىڭ ۇيىمداستىرۋشىلارى مەن قاتىسۋشىلارىنا قاتىستى 950 تومدىق قىلمىستىق ءىس ايىپتاۋ اكتىسىمەن بىرگە سوتقا جولداندى, دەپ جازادى Egemen.ءkz وڭىردىڭ پوليتسيا دەپارتامەنتىنە سىلتەمە جاساپ.
2020 جىلدىڭ جازىنان باستاپ رەسپۋبليكانىڭ ىشكى ىستەر ورگاندارىنا «ينديگو 24» قارجى پيراميداسىنىڭ قۇربانى بولعان ازاماتتاردان ارىزدار تۇسە باستاعان بولاتىن. ولار نەگىزىنەن تۇركىستان, ماڭعىستاۋ وبلىستارى مەن شىمكەنت جانە نۇر-سۇلتان قالالارىنىڭ تۇرعىندارى. جابىرلەنۋشىلەر سانى 2 مىڭنان استام ازاماتتى قۇرادى.
«ازاماتتاردىڭ ارىزدارى قر قك-ءنىڭ 190-بابى «الاياقتىق« جانە 217-بابى «قارجى پيراميداسىن قۇرۋ جانە وعان باسشىلىق ەتۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. قىلمىستىق ءىس اياسىندا قارجى پيراميداسىن قۇرۋعا جانە ونى باسقارۋعا قاتىسى بار دەگەن كۇدىكپەن پوليتسيا قىزمەتكەرلەرى 25 ادامدى انىقتاپ, ۇستادى. ولار: الماتى, نۇر-سۇلتان, شىمكەنت قالالارى سەكىلدى ءۇش مەگاپوليستىڭ جانە تۇركىستان وبلىسىنىڭ تۇرعىندارى. تاعى 1 كۇدىكتىگە ىزدەۋ جاريالاندى. ولاردان كومپيۋتەرلىك تەحنيكا, جىلجىمالى جانە جىلجىمايتىن م ۇلىكتەر تاركىلەندى», دەلىنگەن پد اقپاراتىندا.
جاسالعان قىلمىستىڭ اۋقىمىن ەسكەرە وتىرىپ, قر ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن تۇركىستان وبلىسىنىڭ پوليتسيا دەپارتامەنتى بازاسىندا ەلىمىزدىڭ 5 وڭىرىنەن 30 تەرگەۋشى ەنگەن تەرگەۋ توبى قۇرىلدى. بۇل توپتى تۇركىستان وبلىسىنىڭ تاجىريبەلى تەرگەۋشىلەرىنىڭ ءبىرى پوليتسيا مايورى التىناي جولىمبەكوۆا باسقاردى.
ايتا كەتسەك, ول تەرگەۋ توبىنداعى – جالعىز ايەل. تەرگەۋگە 7 ارنايى پروكۋرور دا قاتىستى. ولاردىڭ جۇمىسىنا جەدەل ۋاكىلدەرمەن بىرگە ساراپشىلار جانە اۋدارماشىلار تارتىلدى. سوتقا دەيىنگى تەرگەپ-تەكسەرۋدىڭ مەرزىمى 1 جىلدان استام ۋاقىتقا جالعاستى. انىقتالعانداي, قىلمىستىق توپ 2018 جىلدىڭ اقپانى مەن 2020 جىلدىڭ تامىز ايى ارالىعىندا سالىمشىلارعا كەپىلدى ءجۇز پايىز پايدا اكەلۋگە ۋادە ەتىپ, سەنگىش ازاماتتاردان 3 ملرد تەڭگەدەن استام قاراجاتتى يەمدەنگەنىن انىقتادى. كۇدىكتىلەر الاياقتىق جولمەن تۇسكەن اقشانى ءوزارا ءبولىسىپ وتىرعان. ازاماتتاردىڭ باسىم بولىگى قارجى پيراميداسىنا كىرۋ ءۇشىن وزدەرىنىڭ ۇيلەرىن كەپىلگە قويىپ, نەسيە العان.
«سوتقا دەيىنگى تەرگەۋ بارىسىندا تەرگەۋشىلەر قىلمىستىق توپتىڭ ۇيىمداسقان سيپاتتا بولعانىن, جوسپارلانعان تۇردە ارەكەت ەتكەنىن جانە ءار قاتىسۋشىنىڭ رولدەرى ناقتى بولىنگەنىن دالەلدەي الدى. ناتيجەسىندە پوليتسەيلەر مەن پروكۋرورلار ايىپتاۋ اكتىسىمەن 160 مىڭنان استام بەتتەن تۇراتىن كوپتومدىق قىلمىستىق ءىستى سوتقا جولدادى. كۇدىكتىلەرگە قر قك-ءنىڭ 190-بابى «الاياقتىق», 217-بابى «قارجى پيراميداسىن قۇرۋ جانە وعان باسشىلىق ەتۋ» جانە 262-بابى «ۇيىمداسقان قىلمىستىق توپتى قۇرۋ جانە وعان باسشىلىق ەتۋ» بويىنشا ايىپ تاعىلدى», دەدى تۇركىستان وبلىستىڭ پوليتسيا دەپارتامەنتىنىڭ ءباسپاسوز قىزمەتىنەن.