شىمكەنتتە 4 جاسار ءبۇلدىرشىن بايقاۋسىزدا ءتورتىنشى قاباتتان قۇلاپ كەتتى. جەدەل تۇردە اۋرۋحاناعا جەتكىزىلگەنىمەن ونى قۇتقارىپ قالۋ مۇمكىن بولمادى, دەپ حابارلايدى Egemen.kz.
شىمكەنت قالاسى تجد مالىمەتىنشە, قايعىلى جاعداي گاگارين كوشەسىنىڭ بويىنداعى 5 قاباتتى تۇرعىن ۇيدە ورىن العان. ءتورت جاسار ۇل بالا اتا-اناسىنىڭ قاراۋىنسىز قالىپ, 4-ءشى قاباتتاعى باسپالداق ارالىعىنداعى تەرەزەدەن قۇلاعانى انىقتالدى.
وقيعا ورنىنا شىمكەنت قالاسى تج دەپارتامەنتىنىڭ ماماندارى بارىپ, ءمان-جايدى سۇراستىرىپ بىلگەن. قازىر بۇل جاعدايمەن پوليتسيا اينالىسىپ جاتىر.
ايتا كەتەيىك, ءۇشىنشى مەگاپوليستە جىل باسىنان بەرى بالالاردىڭ تەرەزەدەن قۇلاۋىنىڭ 7 جاعدايى تىركەلگەن. ءتورت جاعدايدا بالالار قايتىس بولسا, ۇشەۋىندە بالالار ءتۇرلى دەنە جاراقاتىن العان.