جەڭىمپازدار مەن جۇلدەگەرلەر قاتىسقان گالا-قويىلىمدا مادەنيەت جانە سپورت ءمينيسترى اقتوتى رايىمقۇلوۆا ءسوز سويلەدى. اۋەلى مينيستر دەنيس تەن ەل سپورتىندا ەسىمى التىن ارىپپەن جازىلعان, قىسقا عۇمىرىندا وشپەس ءىز قالدىرعان سپورتشى ەكەنىن ايتتى, دەپ جازادى Egemen.kz.
«ومىرگە قۇشتار دەنيس شەبەر مانەرلەپ سىرعاناۋشى عانا ەمەس, سەگىز قىرلى, ءبىر سىرلى ازامات بولاتىن. بالا كەزدەن تىنباي جاتتىعىپ, دايىندالۋدىڭ ارقاسىندا عالامات جەتىستىكتەرگە جەتتى. حالىقارالىق ءىرى باسەكەلەردە جۇلدە العان تۇڭعىش قازاقستاندىق اتاندى. وسىلايشا, كۇللى ەلدىڭ ماقتانىشىنا اينالدى. الەم جانكۇيەرلەرىنىڭ ىستىق ىقىلاسىنا بولەندى», دەدى ول.
وسىدان كەيىن اقتوتى رايىمقۇلوۆا دەنيس تەندى ەسكە الۋعا ارنالعان بۇل ءتۋرنيردىڭ ءبارىمىز ءۇشىن ورنى بولەك ەكەنىن, جارىس بيىل حالىقارالىق كونكيشىلەر وداعىنىڭ «چەللەندجەر» ساناتىنا قوسىلعانىن جەتكىزدى.
«دەنيس تەنمەن بىرگە ارالاس-قۇرالاس بولعان مانەرلەپ سىرعاناۋشىلار, ءىزىن باسىپ كەلە جاتقان جاس سپورتشىلار مۇز ايدىندا باس قوسىپ وتىر. بيىل ەكىنشى رەت ءوتىپ جاتقان باسەكەگە قاتىسۋشىلاردىڭ گەوگرافياسى كەڭەيىپ كەلە جاتقانى قۋانتادى. وسى ورايدا ومىرگە قۇشتار ازاماتتىڭ ەسىمىن جاڭعىرتۋعا ءتۋرنيردى «چەللەندجەر» ساناتىنداعى باسەكەلەر قاتارىنا قوسىپ, اۋقىمىن كەڭەيتىپ جاتقانى ءۇشىن حالىقارالىق كونكيشىلەر وداعىنا العىس ايتامىن», دەي كەلە تۋرنير جەڭىمپازدارى مەن جۇلدەگەرلەرىنە ساتتىلىك تىلەدى.
ەكىنشى Denis Ten Memorial Challenge حالىقارالىق ءتۋرنيرىنىڭ جەڭىمپازدارى مەن جۇلدەگەرلەرى:
ەرلەر:
1. پەتر گۋمەننيك (رەسەي);
2. ماركا كوندراتيۋك (رەسەي);
3. اندرەي موزالەۆ (رەسەي);
9. ميحايل شايدوروۆ (قازاقستان);
10. دياس جيرەنباەۆ (قازاقستان);
12. راحات برالين (قازاقستان);
ايەلدەر:
1. ۆيكتوريا سافونوۆا (بەلارۋس);
2. ەكاتەرينا ريابوۆا ء(ازىربايجان);
3. اناستاسيا شابوتوۆا (ۋكراينا);
8. ياسمين تەكيك (قازاقستان);
10. اناستاسيا لوبانوۆا (قازاقستان);
11. باگدانا راحيشوۆا (قازاقستان);
جۇپتىق سىن:
1. اناستاسيا سكوپتسوۆا / كيريلل الەشين (رەسەي);
2. الەكساندرا نازاروۆا / ماكسيم نيكيتين (ۋكراينا);
3. ەليزاۆەتا حۋدايبەرديەۆا / ەگور بازين (رەسەي);
7. گاۋحار ناۋرىزوۆا / بويانسانگۋر داتيەۆ (قازاقستان).
ايتا كەتەيىك, مادەنيەت جانە سپورت مينيسترلىگى, ۇلتتىق وليمپيادا كوميتەتى مەن نۇر-سۇلتان قالاسىنىڭ اكىمدىگىنىڭ قولداۋىمەن «دەنيس تەن قورى» قوعامدىق قورى ۇيىمداستىرعان تۋرنير 28-31 قازان ارالىعىندا ءوتتى. بيىل مانەرلەپ سىرعاناۋدان «چەللەندجەر» (ISU Challenger Series) ساناتىندا 7-ءشى جارىس سانالاتىن Denis Ten Memorial Challenge تۋرنيرىندە 18 ەلدەن كەلگەن 100-دەن استام سپورتشى باق سىنادى. ونىڭ ىشىندە بيىلعى الەم چەمپيوناتىنىڭ جۇلدەگەرلەرى, بەيجىڭدە وتەتىن وليمپياداعا باراتىن مانەرلەپ سىرعاناۋشىلار بار.
تۋرنيردە ەرلەر اراسىنداعى جەكەلەي سىندا – راحات برالين, ميحايل شايدوروۆ, دياس جيرەنباەۆ, ايەلدەر اراسىندا – اناستاسيا لوبانوۆا, بوگدانا راكيشەۆ مەن ياسمينا تەكيك, ال جۇپتىق سىندا گاۋحار ناۋرىزوۆا/بويانسانگۋر داتيەۆ جانە ماكسين ۋەزەربي/تەمىرلان ەرجانوۆ جۇبى ەل نامىسىن قورعادى.
تۋرنيردە حالىقارالىق كونكيشىلەر وداعىنىڭ (ISU) جوعارى ساناتتى 36 تورەشىسى قىزمەت ەتتى.