«اقش پەن يزرايل يراننىڭ جەڭىلدەتىلگەن جانارماي ساتۋ جۇيەسىن بۇزعان كيبەرشابۋىلدىڭ ارتىندا تۇر», دەدى يراننىڭ ازاماتتىق قورعانىس ۇيىمىنىڭ باسشىسى گولام رەزا دجالالي, دەپ حابارلايدى Egemen.kz.
يران اەس-ءى كيبەرشابۋىل ناتيجەسىندە ىستەن شىققان بولاتىن. جانارماي قۇيۋ بەكەتتەرىنىڭ كوپشىلىگى جابىلدى, ويتكەنى يراندىق جۇرگىزۋشىلەر كولىكتەرىنە جانارمايدى كارتالار ارقىلى قۇيعاندى ءجون كورەدى. سەبەبى وندا جەڭىلدىك قاراستىرىلعان. كەيىن بارلىق جانارماي قۇيۋ بەكەتتەرى قالىپقا كەلگەن. وقيعا جانارماي باعاسىنىڭ كوتەرىلۋىنە سەبەپ بولعان جوق.
يراندا مەملەكەتتىك مەكەمەلەر مەن ۇيىمدارعا قارسى مۇنداي كيبەرشابۋىلدار ءبىرىنشى رەت بولىپ وتىرعان جوق. شىلدە ايىندا يراننىڭ كولىك مينيسترلىگىنىڭ كومپيۋتەرلىك جۇيەلەرى ىستەن شىققان ەدى.