گرۋزيانىڭ ورتالىق سايلاۋ كوميسسياسى ءتبيليسيدىڭ قازىرگى مەرى, يتاليانىڭ «ميلان» فۋتبول كلۋبىنىڭ بۇرىنعى ويىنشىسى كاحا كالادزەنىڭ ەكىنشى تۋردا جەڭىسكە جەتكەنىن راستادى, دەپ حابارلايدى Egemen.kz.
وسك-نىڭ الدىن الا مالىمەتتەرىنە زەر سالساق, كاحا كالادزە 55,6 پايىز داۋىس جيناعان. ونىڭ قارسىلاسى نيكي مەليا 44,4 پايىز داۋىسقا يەلىك ەتكەن. ناتيجەدەن حاباردار بولعان كاحا كالادزە قالا تۇرعىندارىنا العىسىن جاۋدىردى.
«تبيليسي تۇرعىندارى ءوز تاڭداۋىن جاسادى. مەن باقىتتىمىن. وزىمە جۇكتەلگەن جاۋاپكەرشىلىك جۇگىنىڭ اۋىر ەكەنىن سەزىنەمىن. قالانى ەكىنشى مارتە باسقارۋعا مۇمكىندىك بەرگەندەرىڭىز ءۇشىن زور العىسىمدى بىلدىرەمىن. سەنىمدى اقتاۋ ءۇشىن بار كۇش-جىگەرىمدى سارقا جۇمساپ, جۇمىس ىستەۋگە دايىنمىن», دەدى ول الەۋمەتتىك جەلىلەردەگى پاراقشالارىندا.