زاڭسىز بالىق اۋلاۋ تىيىلماي تۇر. اقسۋ قالاسىنىڭ پاترۋلدىك پوليتسياسى قىزمەتكەرلەرى 188 كيلو بالىق اۋلاعان ەكى ازاماتتى ۇستادى, دەپ حابارلايدى Egemen.kz.
«لەنين-كۋرچاتوۆ اۆتوجولىندا اقسۋ قالاسىنىڭ پاترۋلدىك پوليتسياسى ۆزۆودىنىڭ قىزمەتكەرلەرى بالىق اۋلاۋ ەرەجەلەرىن بۇزعانى ءۇشىن قالانىڭ ەكى تۇرعىنىن ۇستادى. ولاردان زاتتاي دالەل رەتىندە رەزىڭكە قايىق, سالماعى 188 كيلو بالىق تاركىلەندى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
بۇل فاكتى بويىنشا ەكى اكىمشىلىك ماتەريال قۇراستىرىلدى. الايدا بۇل زاڭسىز بالىق اۋلاۋداعى جالعىز دەرەك ەمەس.