جامبىل وبلىسىندا ديزەل وتىنى بار تسيستەرنا جارىلدى

قالىڭ قارا ءتۇتىن بەينەلەنگەن ۆيدەو Instagram-دا جاريالاندى.

جامبىل اۋدانىنىڭ اكىمدىگى حابارلاعانداي, «امانگەلدى گوز» جشس تاراز فيليالىنىڭ اۋماعىنداعى ءورت تۋرالى اقپارات ساعات 12:00-دە كەلىپ ءتۇستى.

«كورسەتىلگەن ۋاقىتتا كومپاۋنديرلەۋ بلوگىنىڭ ۋچاسكەسىندە كولەمى 240 تەكشە مەتر ەكى ديزەل رەزەرۆۋارى جانعانى انىقتالدى», دەپ جازادى جامبىل اۋدانى اكىمدىگىنىڭ ءباسپاسوز قىزمەتى.

ءورتتى سوندىرۋگە وبلىستىق تجد جەكە قۇرامىنان 75 ادام جانە 21 تەحنيكا جۇمىلدىرىلدى.

ء«ورت 12:54-تە اۋىزدىقتالدى, قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالۋدا», دەيدى اكىمدىكتىڭ ءباسپاسوز قىزمەتى.

ۆەدومستۆو زاۋىت اۋماعى قورشالىپ, كاسىپورىن قىزمەتكەرلەرى ەۆاكۋاتسيالانعانىن اتاپ ءوتتى.

ءوز كەزەگىندە وبلىستىق توتەنشە جاعدايلار دەپارتامەنتى ءورت 13:17-دە جويىلعانىن حابارلادى.

«جالپى كولەمى 480 تەكشە مەتر ديزەلدى وتىنى بار ەكى رەزەرۆۋار جانىپ كەتتى. زارداپ شەككەندەر تۋرالى اقپارات جوق. الدىن الا سەبەپ – مۇناي ونىمدەرىن ايداۋ كەزىندە تەحنولوگيالىق پروتسەستىڭ بۇزىلۋى», دەپ مالىمدەدى جامبىل وبلىسى تجد ءباسپاسوز قىزمەتى.