Tesla كومپانياسىنىڭ نارىقتىق كاپيتاليزاتسياسى 1 تريلليون دوللاردان استى, ناتيجەسىندە كومپانيانىڭ باس ديرەكتورى يلون ماسك الەم تاريحىنداعى ەڭ باي ادام دەپ تانىلدى, دەپ حابارلايدى Egemen.kz Forbes جۋرنالىنا سىلتەمە جاساپ.
دۇيسەنبىدە اكتسيالار نارىعى جابىلعان كەزدە باسىلىم يلون ماسكتىڭ بايلىعى $ 271,3 ملرد قۇراعانىن حابارلادى, بۇل Tesla اكتسيالارىنىڭ 13 پايىزعا قىمباتتاۋىنا بايلانىستى جۇما كۇنگى جابىلۋمەن سالىستىرعاندا شامامەن 41,7 ميلليارد دوللارعا كوپ.
ونىڭ بايلىعى ءبىر كۇندە 41 ميلليارد دوللاردان استام ءوستى.
ماسكتىڭ بايلىعى 300 ميلليارد دوللارعا جاقىندادى. سالىستىرۋ ءۇشىن, Amazon كومپانياسىنىڭ نەگىزىن قالاۋشى جانە بۇرىنعى باس ديرەكتورى دجەفف بەزوس وسى ايدىڭ باسىندا Forbes 400 نۇسقاسى بويىنشا امەريكانىڭ ەڭ باي ادامدارىنىڭ رەيتينگىسىنىڭ باسىنان كورىنگەن. ونىڭ بايلىعى 201 ميلليارد دوللارعا باعالاندى. شىلدەدە بەزوستىڭ بايلىعى 212 ميلليارد دوللاردان استى.
Forbes 1982 جىلى العاش رەت ميللياردەرلەردىڭ جاعدايىن باقىلاي باستادى. سودان كەيىن امەريكاداعى ەڭ باي ادام كەمە ماگناتى دانيەل ليۋدۆيگ بولعان, ونىڭ بايلىعى 2 ميلليارد دوللاردى نەمەسە قازىرگى باعامەن 5,5 ميلليارد دوللاردى قۇرادى.
Tesla-داعى ماسكتىڭ 21 پايىزدىق ۇلەسى (نەسيەلىك مىندەتتەمەلەردى ەسەپكە الماعاندا) ونىڭ بايلىعىنىڭ نەگىزگى بولىگىن قۇرايدى, بىراق ول 2002 جىلى قۇرىلعان جەكە SpaceX كومپانياسىندا مينوريتارلىق ۇلەسكە يە. جاقىندا ينۆەستورلار بيزنەستى 74 ميلليارد دوللارعا باعالادى.