قاڭتار ايىندا وبلىس ورتالىعىنداعى جۇمىسشى كەنتىندە ورنالاسقان تۇرعىن ءۇيدى «ءتىلسىز جاۋ» جالماپ, سالدارىنان ءبىر وتباسىنىڭ مۇشەلەرى تۇگەل وپات بولعان ەدى. ءجانتاسىلىم ەتكەندەردىڭ ەكەۋى – بالا. وسى ءبىر قايعىلى وقيعانىڭ ءىزى سۋىماي جاتىپ, كەزەكتى توتەنشە جاعداي ع. مۇسىرەپوۆ اۋدانىندا ورىن الدى.
ستاۆروپولكا اۋىلىنىڭ ءۇش بالاقايى ەسىل وزەنى جاعاسىندا سىرعاناق تەۋىپ ءجۇرىپ, مەرت بولدى. ولاردىڭ كەشىككەنىنەن سەزىكتەنگەن اتا-انالار دابىل قاعىپ, سۋىت ىزدەستىرۋ بارىسىندا 12-16 جاستاعى جاسوسپىرىمدەردىڭ جانسىز دەنەلەرى تابىلعان. الدىن الا بولجامعا سايكەس بالالار جار شەتىندە الاڭسىز اسىر سالىپ جۇرگەن كەزدە اۋىر سالماقتان وپىرىلىپ تۇسكەن قار كوشكىنىنىڭ استىندا قالىپ, تۇنشىعىپ ولگەنگە ۇقسايدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.