پاۆلودار وبلىسىنىڭ باس مەملەكەتتىك سانيتار دارىگەرىنىڭ جاڭا قاۋلىسى شىقتى, دەپ حابارلايدى Egemen.kz.
قۇجاتقا سايكەس, جۇمىس كۇندەرى Ashyq جوباسىنا قاتىساتىن مىنا نىسانداردىڭ: بارلىق تيپتەگى قوعامدىق تاماقتانۋ نىساندارى; ساۋدا ويىن-ساۋىق ورتالىقتارى, ساۋدا ۇيلەرى, ساۋدا جەلىلەرى, ازىق-ت ۇلىكتىك ەمەس دۇكەندەر, ساۋنا, سپا ورتالىقتار, تەاترلار, كينوتەاترلار, كونتسەرت زالدارى, فيلارمونيالار, PlayStation كلۋبتاردى قوسا العاندا بيليارد, كومپيۋتەر كلۋبتارى, بوۋلينگ, كاراوكە, لوتەرەيا كلۋبتارى مەن لوتەرەيانى وتكىزۋدىڭ وزگە دە نىساندارى, بۋكمەكەرلىك كەڭسەلەر جۇمىسىنا رۇقسات بەرىلەدى.
قىزمەتكەرلەر مەن كەلۋشىلەردە قاۋىپسىز «جاسىل» مارتەبە (ۆاكتسيناتسيا, سىنامالاردى الۋ كەزىنەن باستاپ جەتى تاۋلىك اسپاعان تەرىس ناتيجەسى بار پتر تەستى, تۇراقتى مەديتسينالىق قارسى كورسەتىلىمدەرى بار نەمەسە سوڭعى ءۇش اي ىشىندە اۋىرىپ جازىلعان ادامدار) بولعان جاعدايدا تۇنگى ساعات 00:00-گە دەيىن جوعارىدا اتالعان نىسانداردىڭ جۇمىسىنا رۇقسات بەرىلەدى. Ashyq كوشباسشىلارى 02:00-گە دەيىن جۇمىس ىستەي الادى.
قاۋلى 29 قازان ساعات 00:00-دەن باستاپ 2021 جىلعى 12 قاراشا ساعات 00:00-گە دەيىنگى مەرزىممەن كۇشىنە ەنەدى.
اتالعان قۇجاتتىڭ تولىق ءماتىنىن مىنا سىلتەمەدەن كورۋگە بولادى.