اۋەسقوي بوكستان الەم چەمپيونى (81 كيلوگرامم) بەكزات نۇرداۋلەتوۆ كاسىپقوي بوكسقا بەت بۇرعانىمەن, ازىرگە ۇلتتىق قۇرامادان كەتۋگە نيەتتى ەمەس, دەپ حابارلايدى Egemen.kz.
«مەن جىلدىڭ سوڭىنا دەيىن ۇلتتىق قۇرامانىڭ ساپىندامىن. ودان كەيىن قالاي بولاتىنىن فەدەراتسيا باسشىلىعى جانە باپكەرلەرمەن كەڭەسىپ شەشە جاتارمىز. كاسىپقوي بوكس الەمىندە جۇرگەن سپورتشىلارعا 15 جەكپە-جەك وتكىزگەنگە دەيىن اۋەسقوي بوكستا باق سىناۋعا مۇمكىندىك قاراستىرىلعان. ول مۇمكىندىكتى دە ءمۇلت جىبەرۋگە بولماس.
مەن الداعى شايقاستاردىڭ بىرىندە قۇرلىقتىق بەلبەۋلەردىڭ ءبىرىن جەڭىپ السام دەيمىن. ودان كەيىن دە بيىكتەردى باعىندىرىپ, جانكۇيەرلەردى قۋانتقىم كەلەدى. البەتتە, كاسىپقوي بوكستىڭ مەككەسى اقش ەكەنىن ەلدىڭ ءبارى بىلەدى. ءتۇپتىڭ تۇبىندە سوندا بارىپ, جوعارى جەتىستىكتەرگە جەتۋگە كۇش سالامىن», دەيدى ول.