ءبىر اپتا ىشىندە ەلىمىزدىڭ اۋماعىندا 3 125 قىلمىس جاسالدى. بۇل تۋرالى قر ىشكى ىستەر مينيسترلىگىنىڭ رەسمي وكىلى ءنۇردىلدا وراز ءمالىم ەتتى, دەپ حابارلايدى Egemen.kz.
ء«بىر اپتا ىشىندە 3 125 قىلمىس جاسالدى. ونىڭ 2 102-ءسى تاۋلىك ىشىندە اشىلدى», دەدى ءنۇردىلدا وراز مينيسترلىكتىڭ ءباسپاسوز الاڭىندا وتكەن ءداستۇرلى بريفينگ بارىسىندا.
رەسمي وكىلدىڭ دەرەگىنشە, پوليتسيا قىزمەتكەرلەرى ء«ىزىن سۋىتپاي» 6 كىسى ءولتىرۋدى, 1 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى, 31 توناۋ جانە 453 بوتەن م ۇلىكتى ۇرلاۋ قىلمىستارىن اشقان.
سونىمەن قاتار ول قازاقستاننىڭ ىشكى ىستەر ءمينيسترى ەرلان تۇرعىمباەۆ ەۋروپاداعى ىنتىماقتاستىق جانە قاۋىپسىزدىك ۇيىمى دەموكراتيالىق ينستيتۋتتار جانە ادام قۇقىقتارى جونىندەگى بيۋرونىڭ ديرەكتورى ماتتەو مەكاچچيمەن كەزدەسكەنىن, كەزدەسۋ ماتتەو مەكاچچيدىڭ نۇر-سۇلتان قالاسىنا ارنايى ساپارى اياسىندا وتكەنىن اتاپ ءوتتى.
«كەزدەسۋ بارىسىندا مينيستر مەملەكەت باسشىسىنىڭ ادام قۇقىقتارىن قامتاماسىز ەتۋ, قۇقىققورعاۋ قىزمەتىن جەتىلدىرۋ ماسەلەلەرىنە ەرەكشە نازار اۋداراتىنىن اتاپ ءوتىپ, وسى سالاداعى حالىقارالىق ستاندارتتاردى ساقتاۋ, جازانىڭ ورىندالۋىن ىزگىلەندىرۋ جانە ازاماتتىق باقىلاۋدى كۇشەيتۋ جونىندەگى جۇمىستار تۋرالى ايتتى», دەدى ول.