يسپانيا پرەمەر-ءمينيسترى پەدرو سانچەس سەنبى كۇنى لا-پالما ارالىنداعى جانارتاۋدىڭ ءبىر بولىگى وپىرىلىپ تۇسكەنىن حابارلادى. ۆۋلكان اتقىلاۋى باستالعاننان بەرگى ءبىر اي ىشىندە ىستىق لاۆا اۋىل شارۋاشىلىعى مەن بالىق ونەركاسىبىنە اۋىر زارداپ اكەلگەن.
لاۆا 900 گەكتار جەرگە جايىلىپ, 2000-نان استام عيمارات پەن كوپتەگەن بانان القابىن قيراتقان. 19 قىركۇيەكتە جانارتاۋ اتقىلاي باستاعاننان بەرى 7 مىڭنان استام ادام ۇيلەرىن تاستاپ كەتكەن.
قازان ايىنىڭ باسىندا پەدرو سانچەس ينفراقۇرىلىمدى قالپىنا كەلتىرۋگە جانە جۇمىسپەن قامتۋدى, اۋىل شارۋاشىلىعىن جانە ءتۋريزمدى ارتتىرۋعا ارالعا ۇكىمەتتەن 206 ميلليون ەۋرو (239 ميلليون دوللار) قارجى بولەتىنىن حابارلاعان-دى.
كانار ارالدارىنىڭ ۆۋلكانولوگيا ينستيتۋتى سەنبى كۇنى تاڭەرتەڭ نەگىزگى كونۋستىڭ ءبىر بولىگى قۇلاعانىن حابارلادى. ۆۋلكان سالدارىنان ارالداعى بانان القابىنىڭ كوپ بولىگى زارداپ شەككەن. بۇل ارال ونىمدەرىنىڭ جارتىسىنا جۋىعىن قۇرايدى.