قازاقستاندىق تەننيسشى جىبەك قۇلامباەۆا جۇپتىق سىندا قاراعاندىدا العاش رەت وتكەن ITF W25 ءتۋرنيرىنىڭ چەمپيونى اتاندى, دەپ حابارلايدى Egemen.kz.
جىبەك قۇلامباەۆا پولياك قىزى مارتينا كۋبكامەن بىرگە فينالدا سەربيالىق تامارا كۋروۆيچ – ەستونيالىق ەلەنا مالىگينامەن باس جۇلدەنى ساراپقا سالدى.
قازاقستاندىق-پولشالىق جۇپ 7:5, 6:4 ەسەبىمەن جەڭىسكە جەتتى. بۇل – جىبەكتىڭ سپورتتىق جولىنداعى ITF W25 دەڭگەيىندەگى ءبىرىنشى تابىسى.
ال جەكەلەي سىندا بەلارۋس وكىلى يۋليا گوتوۆكو ۇزدىك اتاندى. ول سوڭعى باسەكەدە رەسەيلىك ەكاتەرينا كازيونوۆانى 7:5, 6:0 ەسەبىمەن جەڭدى.