بۇگىن فۋتبولدان قازاقستان ايەلدەر قۇراماسى الەم چەمپيوناتىنىڭ ىرىكتەۋ كەزەڭىندە گرەكياعا جول بەردى, دەپ حابارلايدى Egemen.kz Prosports.kz پورتالىنا سىلتەمە جاساپ.
قازاقستاندىق فۋتبولشى قىزدار كەزدەسۋدىڭ سوڭىنا قاراي گول جىبەرىپ, جەڭىلىپ قالدى. ماتچ 0:1 ەسەبىمەن اياقتالدى. جالعىز گولدى گريگوري پۋليۋ سوقتى.
وسىلايشا, قازاقستان قۇراماسى الەم چەمپيوناتى ىرىكتەۋ ءتۋرنيرىنىڭ I توبىندا ءۇشىنشى كەزدەسۋدە دە جەڭىلدى. فۋتبولشىلاردىڭ ەنشىسىندە ۇپاي جوق - سوڭعى ورىندا تۇر. بۇعان دەيىن گرەكيادان 2:3, ۋەلستەن 0:6 ەسەبىمەن جەڭىلگەن بولاتىن.
ايتا كەتەيىك, قازاقستان ايەلدەر قۇراماسى رەسمي ماتچتاردا قاتارىنان 13 ويىن بويى جەڭىلىپ كەلەدى. كەيىنگى رەت كوماندا رەسمي ويىندا 2018 جىلى بوسنيا جانە گەرتسەگوۆينانى جەڭگەن بولاتىن.
ەندى قازاقستاندىقتار 26 قازاندا ءوز الاڭىندا فرانتسيانى قابىلدايدى.