قازاقستاندىق الەكساندر نەدوۆەسوۆ جۇپتىق سىندا انتۆەرپەن ATP 250 ءتۋرنيرىنىڭ جارتىلاي فينالىنا شىقتى, دەپ حابارلايدى Egemen.kz.
ا.نەدوۆەسوۆ ۋكراينالىق دەنيس مولچانوۆپەن بىرگە اۋەلى دانيالىق فرەدەريك نيلسەن - حورۆاتيالىق ماتەي شابانوۆپەن كەزدەستى. قازاقستاندىق-ۋكراينالىق جۇپ 6:4, 6:4 ەسەبىمەن جەڭىسكە جەتتى.
بۇگىن شيرەك فينالدا ارگەنتينالىق فەدەريكو دەلبونيس - يسپانيالىق داۆيد ۆەگا-ەرناندەسپەن كورتقا شىقتى. ءبىرىنشى پارتيادا نەدوۆەسوۆ پەن مولچانوۆ باسىمدىلىق كورسەتتى - 6:3. سودان كەيىن ارگەنتينالىق-يسپانيالىق جۇپ ماتچتى جالعاستىرۋدان باس تارتتى. ا.نەدوۆەسوۆ پەن د.مولچانوۆ فينالعا شىعۋ ءۇشىن جارىستىڭ 2-راكەتكالارى, فرانتسيالىقتار نيكوليا مايۋ - فابريس مارتەنمەن تالاسادى.
ەسكە سالا كەتەيىك, بۇدان بۇرىن ەلەنا رىباكينانىڭ ماسكەۋ ءتۋرنيرىنىڭ ەكىنشى اينالىمىنا شىعا الماعانىن جازعان بولاتىنبىز.